星期日, 11月 30, 2014

天然純香薰,我的最愛!Neal’s Yard Remedies 玫瑰保濕爽膚水


其實住係香港真係好幸福 (我淨指係Shopping  方面)。
話說回來,早在4年前已經有用 Neal's Yard Remedies。以前在讀香薰治療時,對所有香薰有關的產品都非常有興趣,特別是標榜使用純香薰原料的產品。那時Neal's Yard 在香港未有發售,還要託朋友在美國購入後再寄回港,Neal's Yard 全部產品都以深藍玻璃包裝來保護天然精華質素,要寄回港的確有些風險,再者… 郵費亦不少!現在 Neal's Yard 已在中環設有專門店,實在是太幸福了!


有關我對 Neal's Yard Remedies 的分享文章:

今次是首次使用 Neal's Yard Remedies Rehydrating Rose Toner 玫瑰保濕爽膚水,打開一嗅已是天然玫瑰花水的味道 (治療師的鼻子還在喔!)。爽膚水含 95% 有機成份,包括有機大馬士革玫瑰精油、有機蘆薈及甘油等… 不但有平衡和補充肌膚水分的功效,更能即時舒爽肌膚感覺。


每逢轉天氣,特別是秋冬季節,肌膚都很脆弱,很容易敏感,使用的產品就更非天然清純不可!研究了香港精油那麼多年,對香薰尚算有一點認識,大馬士革玫瑰保濕功效最出色,更可以加強肌膚的抵抗力,從根部修護肌膚;蘆薈最有效舒緩肌膚減少肌膚敏感出現;甘油則能使肌膚柔滑。


每天早晚清潔後都以化妝棉沾濕塗上,產品品質雖好,但這個瓶子設計就非常不討好了,瓶唔太大,倒出的花水就不好控制,首幾次用還倒出太多,浪費了不少!


花水用了差不多有1星期,每晚都安慰著我的肌膚,我還會用他來敷面,用在額頭特別乾的位置,效果特別好。


這個秋冬就再不會乾燥過敏,用後肌膚更是非常滋潤,往後用的護膚品也吸收的很好,這次首用真的非常滿意呢!





----------------------------------------------
Follow Me on Gi C Life
wengichow@gmail.com

-------------------------------------------

星期五, 11月 07, 2014

嘆一個星期天 Beauty Forever


老公到日本工作4天,突然而來的一個私人週末,好好為自己計劃一下,先來做一個facial 及全身treatment 吧!


一大早跑到去荃灣的Beauty Forever, 我喜歡早上做facial 及按摩treatment, 完成黎整個人都精神爽利,工作起來更有勁!今天雖然係週末,但回家都要趕工作,嘆一個早上,絕對不錯!
今天要enjoy 嘅係2個療程,Magic Touch同 Baby Skin童顏淨白面部護理,我呢啲師奶級銷費者,treatment 前緊係要做左功課先啦!


Magic Touch療程,係一個20分鐘嘅經絡 treatment,利用儀器將紅外線熱能transfer 到身體,治療師會沿著經絡走向,局部提升肌肉溫度,有助疏通淋巴同經絡部位,加強血液循環及新陳代謝。


我嘅小腿因運動同著高跟鞋而長期受壓,肥腫之餘肌肉又結實… 曾經有治療師話過因為我肌肉太實,所以淋巴疏通唔順暢,加上我冇常常按摩去舒緩肌肉,所以就算做咁多運動都唔能夠減輕水腫。

呢個Magic Touch 療程,雖然只係短短20分鐘 (即係每邊腳10分鐘),雙腳已經冇咁酸痛,水腫情況亦都有改善呀,有圖有真相。


全個過程都好舒服,好温暖,開頭仲以為經絡按摩一定痛死,原來療程利用嘅係紅外線黎刺激經絡,比起傳統手壓按摩真係舒服好多!!!其實都係因為我怕痛,所以唔多去經絡淋巴按摩,如果同我一樣怕痛嘅朋友,呢個按摩可以一試!做係其他身體部位仲可以改善痛症、幫助排毒消腫、放鬆肌肉,下次要做埋腰背先得!

轉個身,就開始90分鐘嘅 Baby Skin童顏淨白面部護理。呢個係透個微電流去疏通面部經絡嘅療程,促進血液及淋巴循環,加強皮膚新陳代謝。
治療師手勢太好,做緊基本清潔同舒緩期間我已經瞓著左,連針清修眉都冇整醒到我!!瞓傻左!


因為要影相,治療師好唔忍心地叫醒我影相。面部過程以獨特設計嘅Shaping Spoon幫助收緊及提升鬆弛肌膚,先係面上各穴位按壓打開穴位,再沿著穴道用點段式壓力波頻,將營養成份注入皮膚底層,大大提升細胞的吸收力之餘, 亦增加肌膚彈性及突出面部輪廓。


影完相,我又開始進入fade out 狀態,太舒服,瞓到死豬咁… 直到肩頸按摩時我先開始有知覺 XDXD。完成 facial 後即時感受一下面上肌膚,果然增加左彈性,皮膚感到飽滿,看上去到增加不少光澤感,而眼都冇咁浮腫啦。


荃灣分店就係立坊地面,荃灣西站行過去只係10分鐘,真係好方便我,地方亦都好舒服,完成療程嘆返杯薏米水,what a cheerful morning! 好了,去荃新天地嘆個lunch,就要返屋企繼續工作啦!!!






工作越黎越忙,閒來一個facial / 按摩,真係可以refresh 到身心… 睇黎我要多愛錫自己,多啲令自己身體享受下!




----------------------------------------------



----------------------------------------------
Follow Me on Gi C Life
wengichow@gmail.com

----------------------------------------------

星期五, 10月 17, 2014

人生首個山跑賽事~2014 康宏圖騰跑


2014年10月4日 六 雨
由沖縄回家不到一週,就到康宏圖騰跑2014的大日子。
早自年初得知 RunOurCity 的活動開始後,我就決心要參加他們下一之的活動,想不到今次參加竟是遇工作於玩樂。哈哈!


今天我是以WeShare 隊員參加圖騰跑,為正生書院籌款,有意義又有得玩的工作,羨慕吧!賽事由城門水塘開始到大帽山扶輪公園,全程16公里。WeShare 圖騰隊都還有Blogger Kelvin, Chavly, 以及我家二小姐,一行四人,浩浩蕩蕩出發!





起步初期當然是先拍照交功課,到進入500m 後就開始起跑,留下妹妹一個還真是有點擔心!路上不時Whatsapp 她,"R U OK bak there?" (後來她也懶得回我了)。



今次山行,我確實低估了這段路徑。事前沒有做過research -.-" (很不切合我為人吧!) 因為平日都有行山/跑山,所以事前亦沒有什麼準備。更加為了減少重量負擔,我連水也沒有帶,首7km真的把我渴死了 (那時我最掛住王生了,平日行山都是靠他背起兩大瓶水,辛苦了)。


1小時多,我到了7公里的Check point!水呀,我眼晴發亮了,旁邊還有水果,杯麵,能量bar,零食及能量飲品補及。慢慢喝下4杯水,拿起飲品後後,我繼續上山,原來真正的難關現在才開始。



7公里後得路段並不是沙石路,前面是一大大塊的石頭,要手腳並用,說艱辛,我反而會說是好玩,我就是偏愛向有難度的挑戰行。加上沿路的圖騰戰友不停互相加油照顧,雖然大家不認識,但卻是無比的温暖。




走著走著,開始聽到山上傳來的鼓聲,腳步亦不禁加快,一口氣,跑到大帽山山頂,看到太鼓團的鼓勵表演,我要加油,就算下的雨再大,打在面上時再痛,為了慈善我要跑下去!


餘下的4公里都是下山我石屎路段,大雨下瘋狂的跑,爽!一口氣,就看到終點,那一刻內心感動爆發,想著的是,我…只是跑一天for fun,正生的同學們每天都在走一樣的路,我應該更珍惜現在擁有的生活。



以3小時多完成,後來查成績表原來是3百多人當中的42名,如果不用工作可以更快完成,但其實已經很滿意了。




我的妹子… 仍在山上野餐中,那我邊等邊好好享受圖騰派對的美食及音樂,還與陳柏宇合照了一張。

真的,爾猶未盡,這路段我必定會帶王生再來,一同登上香港最高的山峰!
期待,明年的圖騰跑及全城街碼,定必看到我的踪影!


----------------------------------------------
Follow Me on Gi C Life
wengichow@gmail.com

----------------------------------------------

星期日, 9月 21, 2014

再戰沖繩2014 ❦ 行程篇

等左9個月終於都到我嘅「婚後之旅」啦!結咗婚咁耐,我地兩個係新工作上都忙到爆,下星期終於可以放低晒所有嘢,好好休息一下。


今次再戰沖繩唔打算計劃得太細緻,大概知道要做啲咩就好啦,計劃咁多、準備咁多、好好一個旅行又要迫自己趕schedule,何苦呢?(呢個學問,係喺Wingki 身上學返黎嘅呢!)

今次旅程5日4夜,主力水上活動!!上次去只係玩左一日水,真係好唔夠喉呀,今次一定要大玩爛玩!睇一睇旅遊書同舊年準備嘅notes,mark底啲新景點先!!


9-23 Day 1 - 國際通 + 美國村 + JAL 酒店
9-24 Day 2 - 真榮田岬浮潛青之洞 + 縣民之森滑草踏單車
9-25 Day 3 - JAL Private Resort Okuma Beach
9-26 Day 4 - 屋我地島、古宇利島
9-27 Day 5 - Ashibinaa Outlet + 那霸內陸機場

今次坐早機,中午前就會到埗,時間就更充足啦!
今次行程特別之處在於我地會住係好北嘅 JAL Private Resort Okuma。其實JAL Resort 真係好遠, 今次膽粗粗入住都係睇中左係好靚嘅獨立屋,全個Resort房間都係房仔黎架!同埋,應該好少香港人/大陸人會好似我地咁住到咁北卦。Resort 好大好多嘢玩,雖然好偏僻,附近都唔見有咩好玩好食,不過有車想幾時去邊就去邊啦,好期待呀。



(source: http://blog.xuite.net/jose.club)

另外就係浮潛,我係台灣blog見到有個住沖繩嘅台灣人教練,即刻係FB 同佢聯絡,9月24 就可以去真榮田岬青之洞浮潛啦!好期待,青之洞一定好靚嘅啫!
教練收費$1,000二人浮潛,仲收港幣嘅添~

今個trip 另一特別之處就係,我終於可以請老公去旅行啦!well,雖然唔係全資,但係有呢個機會,俾到2/3 嘅旅費,老公又比我咁做,都算係完左我其中一個心願架啦。



出發前一個星期遇上了沖繩地震,加堆台風迫近,天氣預告沖繩天氣一啲都唔好,去到行程第4日先開始有返啲太陽,希望呢幾日個風走快啲,係我地出發前散水,俾我地一個又愉快又盡興嘅旅程啦!


再戰沖繩2014
再戰沖繩2014 - 行程篇
回顧:戀戰沖繩2013

----------------------------------------------
Follow Me on Gi C Life
wengichow@gmail.com

Instagram


----------------------------------------------

LinkWithin

Related Posts Plugin for WordPress, Blogger...