星期日, 2月 28, 2010

龍精虎猛情人節2010



今日情人節遇著正月初一

其實一早已經夾定左唔會點興祝, 可能早少少返屋企睇個dvd 就算啦.

(唔係又睇love actually 下麻..... =.=")


 

情人節前幾日, 你暗暗地話我知你買左禮物比我......

大獲.... 我冇準備呀. 即上ztyle 問下姐妹們意見. 點知ztyle 個個姐妹今年都打算唔送禮既~

 

其實我心目中都打算送支香水比你架啦, 我知你鐘意, 不過又遲遲都唔去買.

好啦, 就等我黎買比你啦....


 

而我收到既就係佢, 居然用左一支4xx 既香水交換左佢返黎kakakaka....



 

收到既時候我真開心到爆炸呀.

你用一個百老匯袋入住一本我好想買既書.


我問左一句 "依, 你送中文本比我既, 你唔係話睇原文好d既咩"

你答 "係wor, 點解佢比錯我既, 等我打去問下先"

隨手就拎出你要送我既新電話~~

 

有wifi, 有game 玩, 可以download 好多 application,

又有keypad, 我可以anytime 寫blog, 開心死我啦~~~



每個節日都會有呢一個心太軟環節. 放心啦今年就算唔出去, 我都為你準備左~~



 
事前太忙冇時間去買材料, 希望你唔好介意我出貓啦.. (from muji)



第一次整, 好擔心入面d朱古力唔夠軟心. 雪既時間, 焗既火喉一定要計得好準. 不停睇住個鐘, 涼都唔敢沖..



焗起左啦, 個樣好靚呀. 拮開佢睇下先~~ 真係流架~~ 好成功!!!! 好開心呀!!




雖然我整左細細個, 但係你都唔洗一連拍3個架, 好高卡架~

都係唔比你食啦, 包起2個聽日拎去拜年同家人分享先~ 



 

其實, 我知道我真係好幸福架~

多謝你~~ >o<

星期六, 2月 27, 2010

~~ Gi&#39;s Kitchen ~~ 簡易快捷咖哩薯仔炆雞奕 及 格仔餅


恭喜發財!

祝大家虎虎生威, 如虎添翼, 虎進金來, 工作順景, 愛情得意, 心想事成, 越黎越靚~~~

虎年行大運~~~~

 

一連幾日既新年假期大家過成點呀?? 我就過得好開心..

難得妹妹從澳洲回來過新年, 過去既新年假期, 我地3姊妹就去左'玩' 轉馬灣~~
好耐都冇3姊妹咁去玩啦~~

 
一長黎到, 我都下廚整d野比妹妹食下先~~
晚上整左我最拿手又快節既咖哩薯仔炆雞奕~~
記得以前係yblog出過制作文, 所以今次照樣copy 過黎啦.

 

材料(4人用): (超easy)

薯仔x 2隻, 切粒.

雞奕x 1磅, 先'葉'

日式咖哩磚 (少辛味) 

魚湯x 1盒



1. 先放油落薯仔, 係咁易炒下.

先炒下佢, 咁一陣d薯仔咁冇咁易炆爛喇~


 

2. 雞奕都煎一煎, 靚d~



3. 放埋d 薯仔, 一齊炒下...再落魚湯+水去炆, 轉細火, 水要蓋過食物.


用魚湯其實係一次fu look底下試出黎架, 之前我都係用雞湯架.. 不過0個次買錯左魚湯..

(forgive me, 我成日都遊魂, 可以一連2次買錯洗頭水... 買左護髮素 =.=")

用魚湯 冇咁咸~ 個味鮮過用雞湯...冇咁躁..感覺上.... (打令問我係唔係轉左咖哩... 下, 咁都食得出??)



 

4. 等佢滾一滾..等d薯仔半熟, 就可以轉中火落咖哩磚..

咖哩磚唔可以就咁丟入去架, 如果唔係會溶得唔均.

先放上鏟, 用小小水慢慢等佢溶.. 溶晒就上蓋再炆一陣.. 唔想太杰/想要多d汁都可加小小水...




等d薯仔林晒, 爛爛溶溶地咁, 就食得啦~~ (放心, d雞亦煮左咁耐都會熟架啦~)


 

第2日既下午茶我就做左waffle 格仔餅呀, 第一次整真係好好味呢.


放心做法亦都係超簡單~~ 只要你家中有格仔餅機就可以了~
POST 埋個做法出黎先~


攪呀 攪呀, 我用左比食譜講既奶份量多, 出黎個WAFFLE 又滑又好味架~




好好味, 第一次整~~ 塗左小小牛油同花生醬~~~
外脆內軟, 熱呼呼, 好味道~~~



你都試下整丫~

多謝收看~~


星期四, 2月 11, 2010

暗粒, 紅印克星 - 美白大計 (下)


是標題吸引了你入來嗎?
 
我相信好多sis 都會有呢一個煩惱~~
由我黎講有說服力嗎?? 我一向都自稱係雀班肌無暗瘡, 又何來印呢???
錯了... 因為近幾個月, 我既皮膚的確'改變'左好多...



 
12月初開始. 因為身體既毛病大大影響到荷爾蒙..
因荷爾蒙勁失調, 除左個半月先黎一次m外 (平日係非常on time 的~),
就係生到滿面都係瘡瘡啦..
又忍唔到要去抓佢, 後來我塊面就 '要乜有乜' 啦....
一向貪靚既我, 不停係咁搽野都係冇用. 到12月尾情況更誇張. 面頰, 額頭, 下巴都張滿左暗粒....
睇唔睇到??? (唔好意思呀, 係公司用小畫家edit 係差d架啦~~)




 直至我去問MISS, 佢係資深香薰治療師, 佢就比左一個'配方'我, 叫我自己回家試下...


(毛神神果個係邊個黎既呢??)




薰衣草 - 亦被稱為香薰界既萬能油.
佢既主要功能係 balancing. 係所有'唔平衡' 既情況下, 都能帶出佢既功效. (其實所有野過多/過少都叫唔平衡架啦)
今次用佢就係要調整荷爾蒙
大個支係用黎搽肚. 細個支要黎搽面當essense 用~~
肚: 直接影響/平衡子宮既荷爾蒙分泌, 通經, 調經
面: 舒緩受損皮膚, 平衡油脂, 修補傷口.



(我至愛既chip 出場~~~~

)


等我講解小小香薰治療係點作用啦..
基油會作為香薰同皮膚中間既媒介, 幫助香薰滲入皮膚, 進入血液同身體進行化學作用.
之前所以向你地問長問短就係咁既原因啦, 萬一用錯油, 可能對身體造成傷害架.
不過你可以放心, 如果你係無特別既病痛, 又唔係懷孕, 咁普遍既油對你黎講都係冇大害既~~
只要懂得正確分量就可以了~
 
而之前有sis 問: 點解用body oil 會比body lotion 潤咁多, long last 咁多既????
原因好簡單啦, 大部份lotion 都只到達皮膚表面, 大多都係滋潤緊你既表皮層, 或可能只係你既角質層.
但基底油既分子同人體油脂接近, 可以直接到達皮膚深層, 滋潤得黎又唔會block 毛孔架~~
 
用後感:
用左呢個組合都有1個月多啦.
而我面上既粒粒都清得7成啦, 面頰同下巴都已經回復正常.
只係淨返額頭同太陽穴重有d未清得晒~~
另外最神既就係佢改變左我既經痛問題,雖然只係用左一個月, 但我上個月既經期係一d都冇痛同冇唔舒服架. 


其實我都知道好多SIS 都唔喜歡薰衣草既味道, 會唔會聞到既時間覺得有小小頭暈??? 小心可以係血壓偏低呀.  薰衣草都有降血壓既作用呢..


唔喜歡薰衣草既味道, 大可以改用快樂鼠尾草黎搽肚, 功效會更好架. 有腫瘤病或愛酗酒人士勿用.


面用油就更加多選擇, 保濕, 控油, 收毛孔, 美白, 緊細....... 任君選擇~~ ^^


每晚都係爽膚後當serum 咁搽, 滋潤好夠, 自己亦清楚個成份, 冇加入任何化學劑~
最緊要就係平丫麻. 真係好怕買左d貴野返屋企唔啱用架, 好浪費呀.
 
不過如果真係work, 又有效既, 貴一d我都會捨得買既..
就好似Shiseido white lucent 美白精華液咁. 雖然好多sis 都會被佢既價錢嚇走左.
但係我可以話你知, 呢一支, 真係work架, 買得過~~
我既人生實在試得太多又貴又唔work 既產品, 人夾人啦, 唔可以話佢唔好, 只係佢唔適合我用.
 
用左white lucent 有2個月啦, 剛剛用晒... (咁就要講byebye 啦.. )




乳液狀既質地, 非常容易被皮膚吸收. 我會每晚用完薰衣草精華後用佢黎搽面同頸.




光用佢既話, 感覺清爽得黎又唔會好似一般美白產品咁會乾.
之後就用埋white lucent 滋潤乳霜黎潤膚, 咁就舒服晒啦.
(下次再詳細小小試比大家睇丫)




用左呢個組合亦有一個月啦. 薰衣草精華+Shiseido white lucent 美白精華液
新出既豆豆因為忍唔住要抓佢, 面上留有好多紅印呀.
薰衣草精華先幫我control 住傷口唔好發炎, white lucent 精華液就幫我減淡好印.
而薰衣草按摩油就大大改善左我既荷爾蒙.. 生小d豆豆.

呢一個組口真係天衣無縫呀..
依家d印都淡左好多, 亦淡得好快, 唔似平日咁, 要成2個星期先散. 亦唔會變氧化既瘀色呢.
 
全面整體既光度都提升左好多呀, 斑亦淡左. 依家唔搽concealar 都冇問題啦.
連冇見我一個月既blogger cholekk 都覺得我淨白左好多呢~ (依家個膚色已經平常d冇咁黑啦~~)




唉~~ 一支7xx多元既精華就咁用完啦, 講真係有d失落呀...
但我既美白大計唔會就咁結束啦. 我呢一位香薰人已經學會左做淡斑精華..
現值試驗階段, 時候一到我就會出動供獻出黎比大家架啦.
 
不日預告: 保濕美白淡斑精華油~
 
最後送上一些fashion show 既相比大家睇.
非常多謝shiseido, 我先有得參加呢個咁大型既fashion show,
平時係tv channel 就睇得多啦, live 就真係第一次咋~~
大開眼界!!!~~












 謝謝收看~~




LinkWithin

Related Posts Plugin for WordPress, Blogger...