G for Gi: 礦物潔面SPA之旅 ~bareMinerals

星期五, 9月 02, 2016

礦物潔面SPA之旅 ~bareMinerals

街外面嘅空氣咁污糟，皮膚日日好似吸塵機咁吸晒d污垢塞住毛孔。你話做闊太就可以個個星期去美容院大清潔一次，但對於我地... 一個月去到兩次已經好好架啦。所以有乜好過喺屋企都可以做到去角質同再排毒素呢兩個保持肌膚年輕細緻嘅步驟呢。

剛剛做咗Clevial透明質酸療程，鼻鼻同下巴都要好小心呵護，喺冇得外出做Facial 嘅情況下，基本護理一定唔少得，要用上最Mild嘅產品，做到最深層滋潤嘅潔淨護理。接觸bareMinerals都係佢嘅礦物彩妝為多，今次皮膚要嘗試嘅喺呢個全新嘅家用礦物潔面SPA之旅！

清潔皮膚第一步當然就係潔面，又點少得礦物溫和深層潔面乳。潔面乳好容易就起到泡，泡沫亦好綿好滑，深入清潔毛孔去油去角質之餘，亦可以溫和地清潔皮膚，不用太大嘅拉扯已經可以深層清潔皮膚。

礦物溫和深層潔面乳仲可以配合 Mix. Exfoliate. Smooth. 柔滑亮肌磨砂粉 ($190) 一同使用。有別於一般磨砂產品，磨砂粉真係粉黎架，唔好話我呢句說話好廢，但對於我呢d較薄嘅皮膚真係一大恩物，全因市面上嘅磨砂粒除對我皮膚黎講真係太密集，每次磨砂都好似受刑咁。呢個磨砂粉就可以控制用粉量，對薄皮膚/生理期間/暗瘡皮膚特別user friendly!

磨砂粉以多種天然成分磨成微細粉末，重點成分有法國薔薇的天然糖分，有助滋養及潤澤肌膚，用後都不會覺得乾，

倒出黎更會見到一粒粒紅色嘅粉末! 磨砂粉配合潔面乳一同使用，有效溫和去除老化角質，改善粗糙膚質。

Double Cleansing Brush雙效潔淨按摩刷($150)專為磨砂粉而設，人造纖維掃毛極之幼細軟滑，深層清潔毛孔；中間部分係矽膠刷頭可以按摩肌膚，刺激喚醒皮膚，促進細胞更新。所以做到一舉幾得，就係潔面、深層清潔與按摩三合為一。

刷毛軟滑到我用喺剛做完treatment嘅鼻鼻同下巴都唔傷害。

將磨砂粉及潔面乳倒喺按摩刷上，輕輕全面打圈massage，記得唔好miss左jaw line同頸呀。

去完角質，Next step梗係deep cleansing排毒啦。

Dirty Detox Skin Glowing and Refining Mud Mask排毒淨化礦物泥($300)，採取來自世界各地含有豐富礦物營養的礦物泥嘅溫泉、海洋、湖泊、火山等，提煉出滋養肌膚嘅Mud Mask，更加入日本備長炭Japanese White Charcoal，吸走毒素與污垢，深層淨化排毒，柔軟同時讓肌膚變得亮滑細緻，回復水油平衡。

說實話，我喺屋企真係好懶敷要洗嘅Mask，每次敷同洗走都會攪到手同地方污糟晒，敷mask時更成日會塗得唔夠均勻。以前都有試過用其他cheap 雞掃，難塗之餘更加會吉到塊面好痛，都唔知為乜。敷完洗面又麻煩，難以完全抺淨，又花時間又花水費。

今次用專為礦物粉設計礦物專用套裝($150)，包括一掃一巾，方便每次塗上及塗走。 Mask Smoothing Brush礦物泥專用掃以刀型掃頭設計，緊貼面部線條，呢個弧形切角好fit面部輪廓，鼻翼、眼底、眼角、唇邊、唇角、腮線... 全靠刀型掃均勻塗抺面上每一角。掃毛軟硬適中，可以掃直接取出適當份量，如匙羹般勺起，塗於面上柔軟順滑唔吉面。

敷好後就等15-20分鐘，待乾透就可以抺走。係Mask Removal Cloth礦物泥專用毛巾出動嘅時間，巾上窩夫般的方型紋理，輕易徹底抹走礦物泥及污垢，只要先弄濕毛巾，用微力都可以抺走乾透嘅Mud Mask，不用怕抺面時令鼻鼻同下巴受壓，亦不用弄污雙手及弄濕周邊地方，令肌膚同洗面盤都保持清爽潔淨。深深愛上礦物專用套裝，真係方便好用。