星期四同打令約左小民... 冇見佢都有成半年啦, 我地一見面就係咁傾計, 佢重話左比我地聽好多舊公司既新消息tim~~ 世事真係..... 唉
諗返起都識左小民年半. 佢係我識得係最短時間入面熟得最快既一個好友. 可能係因為以前工司得我地2個女仔, 日日一齊食飯, 一齊針水, 一齊去toilet (係, 女仔好中意一齊去toilet, 唔好問點解~)
我係舊公司係個graphic designer, 算係畢業後第一份工, 怕羞又生保~ 小民係第一個同我講野既人, 記得佢同我講既第一句說話係.."hello, 你知唔知我大過你架?" 佢連名都未介紹, 佢就同我講左呢句~~ 好好笑~ 其實係因為小民個樣生得好細.. (細7年都信呀~~其實佢只係大我小小0者~)
我同小民同樣都係designer. 而我地既大佬上司就係打令.. (係係~ 比人炒左之後佢由我manager 變左做我打令) 因為以前有大佬照, 所以照到我地好大膽. 如返公時間去pacific place行街, 去灣仔買玩具 & 全日msn等, 大佬就做晒d野.... 哈哈哈哈. 懷念記得每朝我同小民都會去沖蜜糖飲 (因為小民係萬日咳村村民). 有一次我地沖緊蜜糖既時候, 大佬入黎又話要幫手, 但就同一時間打爛左我同小民隻杯, 而佢個隻又冇爛~~ 好好笑.... 往事只能回味~
有幾日比'腦細' (唔係攪爛gag, 我老細確實腦細) 調我去牛頭角印刷廠個邊做女工, 3日要排好4本重寫緊既教科書, 重要3本都係厚厚地... (其實到最後一日佢地都重改緊內容...) OT到癲左, 突然間有人拍門, 原來係佢地呀, 佢地同個邊既人講我地要返學, 所以佢地黎接我走~~ 哈哈哈, 當然係大話啦, 之後我地重去左食大餐tim呀~~
公司cut人, 我被cut了出來...小民第一時間黎鍚返我, 重同我一齊喊~~ 好感動呀~雖然我地一齊返工既時候只有半年, 但係好似一齊經歷左好多野, 有開心, 有唔開心~ 但係我全部都好珍惜, 好懷念~
以前以為被炒係一件好黑仔, 好唔開心既事, 又會失去好多~ 依家諗返起, 我返而要多謝阿腦細炒左我. 因為我冇左份工之後得到既更多~~ 依家我有一份比以前更好既工, 多左個好鍚我同我家人既打令, 同一個always here for me既摰友.
其實事情時常都有多面睇, 當你時時樂觀去面對, 好多事都可以睇得更好. 要感恩, 神比你咁早可以經歷到, 因為年紀重輕, 輸得起~~ 亦都學會更加珍惜現在擁有既野.
多謝你比左咁多好回憶我, 希望我地以後都好好咁珍惜對方~ 我需要一個你咁既朋友~~希望你快d好返啦, 唔好再咳啦, 同埋...... 工作愉快, 早日搵到份更好既~~
寄待同你去睇東京鐵塔~~~
1st。。。
回覆刪除hihi ～ 你好～
ink
[版主回覆11/27/2007 00:00:00]hello, nice to meet you
........睇完,真係好感動...想喊...我大你成3年啦,唔係大小小架XD,haha~為咗感謝你~我決定要回信比你! 東京鐵塔如果你可以等我~可以下星期先睇:p不過時間係下星期一最好 baby,你唔記得我比較麻煩,要一個星期前book既咩,haha~
回覆刪除[版主回覆11/27/2007 00:01:00]邊有3年咁多呀~ 2年之麻~
好呀~~咁星期一啦～～ 睇下邊道上先～
G: 珍惜朋友, 家人.......一切一切. 努力去愛他們吧.
回覆刪除[版主回覆11/27/2007 00:01:00]多謝你～～
人生得一知己~死已無憾~珍惜啊
回覆刪除[版主回覆11/28/2007 23:00:00]係, 人愈大, 就愈小知心朋友, 有D朋友會因為你成日唔搵佢而嬲左你..... 工作, 家人... 愈來愈多事要去處理, 有時好攰, 真係唔可以好似以前咁成日傾電話.... 我需要一個唔介意我成日玩自閉, 成日唔搵人既知心朋友~~~
呢邊都係寫情信喎.........今期興咩?? 大眼都係寫完情信就做佐精選blog主喇(汗)
回覆刪除[版主回覆11/28/2007 23:01:00]嘩, 我今日(現時)hite rate 係32個瀏覽, 多平時成20個(平時都係得個1x個)....
虫生..點解你會覺得係一封情書??
回覆刪除[版主回覆11/30/2007 13:43:00]佢少收到情書丫, 所以感性小小既信佢都當係情書lor~~
親愛的先生、小姐，您好： 這是一份關於『網站信任度與網路購物行為』的相關研究，目的在於探討何種因素能夠建立民眾對於該網站的信賴並進而在該網站上購物，希望藉由您的填答，來了解網站信任度與網路購物之間的關係。 本問卷為匿名問卷，所有內容將僅供本學術研究使用，絕不作任何其他用途，敬請放心作答。完成本問卷的時間約為3分鐘，您的珍貴意見將會是本研究最重要的內容，相信在您的協助下，本研究會更加完美成功，最後再一次感謝您的協助!
回覆刪除敬祝 身體健康 萬事如意 中興大學電子商務研究所 指導教授 何建達 博士 研究生 周丁烽 敬上
*若您對本問卷有任何意見或疑問，歡迎提出指教 Email: jjackfon@yahoo.com.tw 電子問券網址:http://www.my3q.com/home2/185/jjackfon/HKTM0819.phtml
又黎我道賣廣告... 我呢道冇人睇架~~~~
回覆刪除真係唔可以好似以前咁成日傾電話.... 我需要一個唔介意我成日玩自閉, 成日唔搵人既知心朋友~~~
回覆刪除我可以做妳朋友嗎? (暫時只限在blog上!) 其實, 我都愈來愈懶找朋友, 有時只想在家"hea", 都唔多出去.
[版主回覆11/30/2007 18:18:00]我都係... 係屋企好開心~~ 唔想有人煩....
但好怕D朋友講...'無事不登3寶典'.....
知己...嗚....我 d 知己去哂邊呀
回覆刪除我都有 d 咁好玩既同事呀
可惜我公c全部都係男同事得我一個女仔好慘
Hi!好耐冇來探你,午安呀!
回覆刪除