~~敷面PROCEDURE~~

好耐都冇POST過美容資訊啦, 係秋冬季, 皮膚就會好易干呀, 甩皮呀.... 等我同大家分享小小心得, 等大家都有一個愉快既秋冬季啦~~ (其實以下編野我打左好耐都未POST)....

好多朋友都同我講話買左D好貴/大brand既護膚品, 用左一排但係又好似冇咩同. 就算我介紹比佢地,覺得好好既, 係佢地身上都好似發揮唔到作用(我事先講明, 唔同野用係唔同人身上都會有唔同反應, 可能真係唔得都唔定架..) 於是我就問返d朋友日常既保養程序... 點知聽完後...唔...唔...唔...

所以我決定解開呢個謎...... 我去左問一個facial專家, gather左d資料, 同大家分享下啦~~

保養程序:
1.洗面: 功夫一定唔少得... 由下至上, 內至外打圈, 我諗大家都識啦.. 但係記住洗面落妝既時候唔好咁大力按摩呀, 係要按, 但係唔好大力, 因為你大力按就會按埋D污垢入毛孔, 就會生豆豆架啦~~

2.深層清潔(peeling): 冇錯, 你敷既mask或者用既明貴保養品冇用係因為你面上有一層厚厚既角質(死皮), 你既皮膚又點吸收d精華呢??? 所以當你係保養時由其時係敷面前一定要去角質呀. 建議一個星期1-2次, 剛開始時可以做一星期2-3次都得, 慢慢先減番.
你地可能做諗去死皮唔係應該用磨沙咩... 我可以同你講, 本人以前都係磨沙用品既愛好者...有一次因為買左深層清潔而冇用磨沙一排, 後來當我再pick up返既時候,額頭上就生左好多粒粒. 一直以為係壓力而生既粒粒,原來係因為我用既磨沙膏d磨沙粒子入左毛孔(我用個隻D粒粒好細), 重要我係係沖涼個時磨, d毛孔放大晒...我個facial專家朋友建議唔好用磨沙, 1.傷皮膚 2.生粒粒, 不過如果用開冇事都可以繼續用, 最好用黎敷唔好磨呀OR 唔好磨咁大力呀...(都係個句, 對人既~)

3.保養/營養面膜: 之後落黎就緊係敷大家買返黎既明貴mask啦~~快面干淨晒又去晒角質, 最好就係保返下!!~~ 美白, 滋潤, 抗氧化, 抗皺.... 你要乜就敷乜, 因為呢個時候係毛孔吸收精美最快既時候.

4. 保濕: 最後就係敷保濕mask啦~ 我就會敷sleeping pad, 因為唔洗洗呀~~洗面太多唔好呀～～其實我覺得保濕係要日日敷，因為我地好多時間都係冷氣地方，冷氣會抽干我地面上既水份．其實皮膚夠水份毛孔又冇咁粗，又可以防干紋等等．

後話: 有時係公司(冷氣地方) 你可能覺得快面好干, 呢個時候係可以用一D保濕噴霧,噴下面用面旁地方, 增加空氣中既濕度. 不過噴完唔好由得佢濕答答呀, 同tissue印一印面上多餘既水份, 如果唔係干空氣就會抽走你面上既水份, 到時候你會重干呀~~ 

大家都一齊黎試下以上幾個STEP丫~ 都可以分享下你地既心得架~~~

(溫馨小blog重現~~呵呵呵呵!!!)