星期日, 5月 03, 2009

第一次成功煲湯~~ YEAH~~~ 冬瓜瘦肉湯

話說... 有次同666傾開~ 比佢發現阿GI 識煮飯但唔識煲湯... 因為煲左都係得自己飲... 又唔知幾多水... 幾多料.... 重來都冇試過... 因為唔知點入手..... 煲左又得自己一個飲..... 但其實我係湯皇, 成日都好幸飲湯....

故事就係咁開始.....
係一666同金金既鼓勵下.. 2個星期前我煲左人生第一煲湯.. 節瓜瘦肉咸蛋湯...
都煲左成個鐘架.. 不過... SHIT 點解冇味既??? 打令又串左.. '嘩, 煲左成個鐘清水WOR' XYZXYZXYZXYZ!!!?!??!!!!@@!!

之後冇晒心機下... 666問我係唔係用電磁爐..... OH NO.... 唔通就係咁既原因???
抱著打不死既精神, 今日走左去百佳, 見到有湯料包減價 ..... 心諗, 11蚊.. 如果又煲衰左都唔心痛啦..... 打令又係咁支持我... (因為佢上次我比佢串爆左..... ><)


今次~~ 我終於成功啦~~~哈哈哈~ 終於可以SHUT 男人把口~~~哈哈哈~
我開心到即打比老爸, 話佢話個湯好好味... 佢既反應係.... (有小小咽哽) '好囉好囉, 終於識煲湯囉, 嫁得出囉阿女...." @@ 老爸, 佢既反應會唔會大左D呢...... @@

"冬瓜瘦肉湯"

LinkWithin

Related Posts Plugin for WordPress, Blogger...