因為煲左都係得自己飲... 又唔知幾多水... 幾多料.... 重來都冇試過... 因為唔知點入手..... 煲左又得自己一個飲..... 但其實我係湯皇, 成日都好幸飲湯....故事就係咁開始.....
係一666同金金既鼓勵下.. 2個星期前我煲左人生第一煲湯.. 節瓜瘦肉咸蛋湯...
都煲左成個鐘架.. 不過... SHIT 點解冇味既??? 打令又串左.. '嘩, 煲左成個鐘清水WOR' XYZXYZXYZXYZ!!!?!??!!!!@@!!
之後冇晒心機下... 666問我係唔係用電磁爐..... OH NO.... 唔通就係咁既原因???
抱著打不死既精神, 今日走左去百佳, 見到有湯料包減價 ..... 心諗, 11蚊.. 如果又煲衰左都唔心痛啦..... 打令又係咁支持我... (因為佢上次我比佢串爆左..... ><)
今次~~ 我終於成功啦~~~哈哈哈~ 終於可以SHUT 男人把口~~~哈哈哈～
我開心到即打比老爸, 話佢話個湯好好味... 佢既反應係.... (有小小咽哽) '好囉好囉, 終於識煲湯囉, 嫁得出囉阿女...." @@ 老爸, 佢既反應會唔會大左D呢...... @@
"冬瓜瘦肉湯"
(Empty)
回覆刪除[版主回覆05/05/2009 09:56:00]yeah~~666 我成功啦~~ 第一啖飲個下真係好爆~~ 好記得~~開心到大叫~~ 哈哈哈~ 難關一一衝破..... 老爸話既... "嫁得啦.... "
恭喜你先 我真陰功 連飯都唔識煲...
回覆刪除[版主回覆05/05/2009 09:56:00]慢慢黎啦.... 回想4年前, 我都係乜都唔識架~~~ 加油~~
係咪５難呢？
回覆刪除[版主回覆05/05/2009 14:34:00]哈~~ 冇想像中咁難.. 我只係出出入入kitchen怕佢滾出黎. 不過有湯料包真係方便好多~~ 我最怕買一大舊肉/瓜, 只係用得小小~~ 分量又唔知, 比例又唔知.... 依家成功率高好多~~~
但我屋企都係用電磁爐ga wor..
回覆刪除我成日都有呀媽靚湯飲ga!
[版主回覆05/05/2009 16:12:00]可能因為我既'力量'只能滾湯.... 同埋我屋企個 電磁爐真係好shit~~~
你係咪落得太多水呀？我反而唔覺得未必係電磁爐的問題，因我地打邊爐都用電磁爐，滾得好勁架喎，我懷疑你落太多水，你下次煲湯用湯碗量水啦。
回覆刪除做女人除左要識煮飯外，更加要識煲湯呀，唔係 d 男人就大條道理去幫襯阿二靚湯架啦！
[版主回覆05/08/2009 09:22:00]哈~ 上次d 水重小過今次~ 可能係我屋企既電磁爐問題, 佢熱得好慢. 打邊爐用個d係多功能, 緊係滾得勁啦. 我屋企係build in一個明火, 2個電磁爐個d. 煮公仔麵都唔好食個d. 煎唔到午餐肉個d爐, 同你講既'打邊爐用的電磁爐' 好唔同架~
哈~ 咁我又識煮飯, 中西式, 又識蛋糕甜品曲奇, 咁我咪迷死仔~~ 好在我打令滴湯不拈~~ 自己接受到d湯就已經ok~~ 好, 下次再黎~~~
還有，提提你，冬瓜夏天飲可消暑但比較寒涼，你寒底的話要注意下，你下次可以改用節瓜煲咸旦瘦肉，正氣呀！
回覆刪除[版主回覆05/08/2009 09:25:00]第一次已經係煲節瓜煲咸旦瘦肉啦~~不過冇味之麻～ 我食晒ｄ湯渣架～ 好乖~~ (好過冇啦~~)
問下666, 睇下佢教我煲咩先~~
原來你個係 build in 個 d，咁你煲湯咪變左烚節瓜水囉！
回覆刪除[版主回覆05/08/2009 10:35:00]正確~~
所以打令串我煲左成個鐘滾水囉~~唉~~ (佢唔飲又多多聲氣~ chiu)
gi , 我問你係咪電磁爐..係因為我知你個度既設施呀.... 所以,..咁囉 !
回覆刪除[版主回覆05/08/2009 22:32:00]哈~ 咁叻既你~~
因為我有親人係你鄰居 , 佢呻過個爐 .
回覆刪除[版主回覆05/09/2009 12:09:00]真係架? 咁你下次黎要探下我呀~~~