星期五, 8月 14, 2009

香薰運用 之 吸入法 (2) 香薰燈

上篇提及左香枝, 香碟,
手帕同催化爐既用法.

今次就會介紹最受大家歡迎既 - 香薰燈


 

. 點燃法
(香薰燈)

香薰燈分左2種, 火/電.

火既大家都會好常見,
就係用candle黎將精油加熱, 等香味可以係空氣中揮發


香薰燈分為2大類,
一種係直接用電發熱令精油揮發(下1)另一種就係以燈泡取代candle (下2)


兩者比較:

火爐既熱力比電爐好, 可以令精油揮發得更好.
不過好易會燒滾燒乾水, 亦比較危險

電爐比火爐安全得多, 家中有寵物同小孩就最好用電爐, 不過香味就唔會有火爐咁強,
未必可以充分發揮出精油既功效.

 

香薰爐分為陶瓷, 玻璃, 蠟石幾種.
呢d物料係可以令精油係加熱後發出最大功效.

當然, 揀選時, 最好揀易於清洗既設計.
(即精油碟係可以直接拎開既)

精油碟係大既比較好.. 因為碟太小, 會令水同油既分量比例減少,
亦會好易燒乾水..
碟大d都可以滴多幾滴油啦~~

另外 , 香薰燈既設計都係好靚, 好高貴. 就算係唔點香薰時,
都可以當作擺設.

好好地揀一個襯返家中既style丫~

 

一般房間, 我會係水中加入5-8滴精油. 大範圍既地方 如大廳/ STUDIO
等等就可以加上9-12滴

新手或只用單一種精油(單配)唔建議用多過8滴, 精油會太強,
可以引至中毒架~

精油碟同蠟燭/燈最好設計上有一定既距離, 等精油唔會過熱或過涼
55度就係最好.  

 




一開始玩或對香薰冇太大研究既朋友,
我會建議大家用單配又或者買一d已blend好既混合精油黎用.

如上面所講既分量, 唔好過量呀.
就算你臭唔到香味,
都只係因為你既嗅覺已經習慣左個香味, 千其唔好因為咁而加精油.
最緊要係自己喜歡同舒服既氣味.

唔太了解精油特性最好唔好自己調配, 因為很有可能某d植物對其他植物係有害,
弄巧反拙

不過, 我已經為大家準備緊一d治療用既調配方法,
可以比大家參考架~

(比小小時間我, 等我刨多2本書先.. 加上我打字慢.
)

大家密切留意.

(哈哈哈, 我又出預告啦, 好鐘意出預告吊住你地引呀~~
奸笑hahahaha)

沒有留言:

張貼留言

LinkWithin

Related Posts Plugin for WordPress, Blogger...