星期五, 4月 02, 2010

為自己做勢~ G'aroma

終於都考完試, 好有信心一定過關架啦~~ haa
一有時間我就黎出文. 考完試既第一篇文當然要為自己做下勢啦. 哈哈哈~ 


呢篇好長好多字, 希望大家有心機睇啦~~ =) 多謝你地~~
 
自小因媽媽影響, 我好細個就開始接觸skincare.
大個左又好好奇咁去試下唔同brand既護膚品,
咁多年黎得出左個結論, 唔理佢係大brand定冇brand, 平定貴, 有冇廣告, 有冇代言都好.
最重要都只有1個字~~ WORK!!!!!! (所以我平野貴野都會用~~ haa)
而我特別喜歡香草類既skincare, 如 Kiehls 呀, Aesop 呀, Jurlique 呀, 香薰治療呀. 都係因為佢地係我身上真係WORK!!!
 


G'aroma 係唔係已經不再神秘呢?? 開始呢個idea 時只係想低調小小同既位熟既blogger 分享下.
後來開始有d sis 問起, 到依家越來越多人有興趣. 更加有sis為我出文分享... 呢個係最令我suprise 架~~


多謝你地, 我好感動~~
 
講真, 開始G'aroma 時主要並唔係為左錢, 所以你地見到產品都唔貴,
始終我又未係專業治療師. 我當同大家分裝同幫補一下學費同材料費咁啦.
我用既材料都係外國入口架 (都係學校既油) 確保大家用得安心~
加上, 我都希望用自己學到既野同大家分享, 令更多人認識香薰治療.

越來越多SIS 問我有關香薰產品既事, 有d問題都啟發左我好多架.
不如我係呢道一講少少, 等大家多d了解丫~~
 
~~卸妝油~~ http://www.theztyle.com/blog/space.php?uid=409&do=blog&id=25036


我相信好多sis 都有同樣既問題, 就係 "用左會唔會出粒粒架?" "卸妝油會唔會好傷皮膚架" 等等
我都知會好concern 大家架啦, 不如我係呢道解答大家丫~


問: 用左會唔會出粒粒架?
答: 其實正常黎講係唔會起粒粒既, 原因係市面既卸妝油大多都係用礦物油同棕櫚油為主要成份, 夠平丫麻~~ 而呢2種油都會阻塞毛孔, 形成粉刺.
而香薰用既底油多為天然植物油, 結構與皮膚皮脂相似, 容易被皮膚吸收.

我每日都係花多小小時間去按摩, 按到佢暖暖地會有去角質同deep cleasing 要作用, 可以代替scrub 架~

<乳化中...>


除非係因為既油脂分泌太旺盛, 否則出粉刺並唔會會係用左香薰油後既原因.
或許用既香薰有可能會使你出粒粒. (如: 調經油) 但個d粒粒都會好快就消掉, 並唔會係不停生個種. 不過都係要睇體質, 有d sis 就算用左調經油都冇生粒粒架~
 
問: 卸妝油會唔會好傷皮膚架
答: 其實d人成日話化妝傷皮膚, 其實係卸妝傷皮膚至啱, 乳化劑其實係好傷皮膚架, 不過市面既係左比你洗面後一個清爽既感覺, 就會落好多入去product入面, 連你自己既油脂都一次過清走埋呀.
所以我唔會加太多乳化劑, 夠用就好了. 每次用完後, 會有少量香薰油流係面上, 保護油脂, 咁到你再用洗面乳洗面時, 皮膚就唔會受咁大刺激啦~ (好多時皮膚敏感都係因為咁既原因)
其實方間有好多方法都係連乳化劑都唔用, 我覺得又唔可以, 至少要用小小, 去乳化d彩妝, 留下小小香薰油係皮膚上面, 加上卸妝後都一定要再用洗面乳清洗毛孔既, 最後表面既油都會同污物一同沖走, 都冇所謂啦~~^^

<乾淨晒~>


經過多個月既試驗, 同收集大家既意見, 我已經改左配方, 依家用既乳化劑都係大牌子化妝品用緊既. 所以質地唔會咁厚, 洗完亦冇咁乾呢~
 
以下係幾位sis 既用後分享, 好多謝你地既評語呀~
Karena 用後分享 - http://www.theztyle.com/blog/space.php?uid=187&do=blog&id=31151





產品有:
薰衣草按摩油     (消炎, 對付暗瘡皮膚) http://www.theztyle.com/blog/space.php?uid=409&do=blog&id=28670
天竺葵玫瑰草油 (平衡油脂, 保濕)
美白淡斑油 - http://www.theztyle.com/blog/space.php?uid=409&do=blog&id=32664

玫瑰+檸檬 (改善皮膚對敏感皮膚特別好, 修護滋潤, 美白淡斑, 收細毛孔, 平衡油脂, 抗皺)
乳香+檸檬 (修護皮膚, 對受損皮膚特別有益, 滋潤, 美白淡斑, 抗皺, 收細毛孔)

                  
用法:
太多sis 問我點用, 亦有好多提議inspire到我, 依家就將佢地一一大供開~
1. 直接用 (天氣乾燥時)
Toner 後, 每次2drops, 滴係掌心推暖印上面. 份量可以因皮膚乾燥度去增加.
用後可以唔洗用serum 架啦

 2. 加入面霜用 (天氣濕潤時)
將2drops 油加入面霜, 推開印上面~
如果sis 有用開既serum 唔想停用, 就可以用呢個方法, 雙倍修護.
油性皮膚既sis 可用呢個方法, 咁就唔會為皮膚帶黎太多負擔.

 3. 一星期2-3次按摩
Deep cleasing 後, 用3drops 油係掌心推暖按面5分鐘, 可增加血液循環.
用後如果感覺太笠, 可以用花水or 暖毛巾輕抹. 如果頂得順就唔好抹啦~

4. 加入牛奶中, 美白mask
將數滴油加入牛奶中 (水唔得, 油不溶於水), 將paper mask  浸入牛奶中用黎敷面~~
唔用paper mask, 可以用化妝棉, 一樣good~~ 5分鐘就夠架啦~~





5. 加入蘆薈凝膠, 保濕mask

將數滴油加入蘆薈凝膠, 令蘆薈凝膠成份更穩定, 增加保濕效果.

(要配會有保濕成份精油使用)

 

 

 



身體用既按摩油, 可以就咁搽亦可以按, 睇需要啦.
1. 如果只係用黎滋潤身 (乾燥, 甩皮, 濕疹等等) 直接搽就可以了~
以下係技安小姐分享
 http://www.theztyle.com/blog/space.php?uid=245&do=blog&id=24555


2. 如你用既係調經油/消化油. 就可以係小腹上左至右咁打圈按摩
 


3. 風濕關節痛, 可以暖起按摩油, 塗係患處, 用暖毛巾敷, 減輕痛楚.
 
4. 去水腫油都有架, 由下向上按, 可以幫助通淋巴.
千其唔好向下呀, 淋巴同靜脈血都係向上流既, 向上推可以幫助流動, 向下則會弄致淋巴腫脹, 靜脈血倒塞形成靜脈曲張..

同埋淋巴唔洗大力按架, 淋巴管好薄架咋, 幾克既壓力已經足夠襟扁佢架啦, 所以普通力度已經ok架啦~ =)
(考完bio, 明拋書包~~ hahaa)
 
問: 點解我面生粒粒, 反而要用油按肚既?
答: 香薰油係可以改善/ 平衡身, 心, 靈既治療.
用後會好relax, 佢唔係一般skin care 咁只留係皮膚, 佢係會被滲透入血液,
去改善我地既身體狀況架.
女孩子生粒粒大多係因為荷爾蒙分泌不平衡影響.
人體會生產出數種不同既荷爾蒙, 而影響我地經期同生粒粒既荷爾蒙係由子宮負責既.
所以我會建議大家用油係小腹做調節, 直接被子宮吸收.
而面上就用消炎既油, 減低粒粒惡化.
 
問: 我係市面上買既香薰純油可唔可以直接用黎按摩架?
當然唔可以啦, 每1滴香薰油都要用幾公斤以上既植物部份提鍊出既, 其刺激性係非常高.
輕則會度致紅腫, 灼傷. 重則會引致神經瘡傷, 永久失去知覺架~
每次用之前都一定要先稀釋, 可以用底油, 牛奶, 酒精等等去稀釋. 比例亦都係好重要, 唔同既用途, 皮膚狀況, 範圍, 面積, 年齡都有其稀釋比例. 專業既治療師係一定要跟住呢個比例為客人作出治療架.
特別要提一提大家, 以我睇過咁多香薰治療既書籍黎講, 大部份台灣出版既香薰治療既書籍所提及既稀釋比例都係唔正確既. 我曾經都中過招架啦, 塊面腫晒, 要用好多橄欖油黎洗面稀釋返d精油.. 所以大家DIY 時一定要小心, 有唔明就要問下治療師啦~
 
其他攪作有:
蜂蜜抗敏保濕 scrub - http://www.theztyle.com/blog/space.php?uid=409&do=blog&id=23252

香薰除菌制 - http://www.theztyle.com/blog/space.php?uid=409&do=blog&id=23252


 

新攪作預告..

 

玫瑰抗皺眼霜

**全盒用玫瑰花水+甘菊精油制, 非常名貴又見效既眼霜

 

夏日清爽面霜

**特別推介比油性或唔想係夏天用油既姊妹

 

椰子髮尾油

**椰子油對亞洲人既頭髮非常有益, 另加依蘭及快樂鼠尾草加強保健功效.

 

限量攪作: (所謂限量攪作指只有推出月份單售, 其餘月份則要先選售1件攪作方可購買)

 

玫瑰卸妝水

**唔想用卸妝油既姊妹, 可能試下呢個卸妝水~~ 眼唇都用得架~

 

椰子護髮噴霧

**唔想頭用髮尾油既sis, 可能考慮用護髮噴霧丫~

 

健胸豐胸油

**自己終於試用左2個星期, 明顯胸部線條提升左, 挺左. 不過呢個油有一個問題.. 就係佢既味道有好大既戥味... 不過一晚就冇事架啦. 睇下你地想要靚既頂唔頂得順呢個味道啦. 如果有興趣, 我可以拎小小去雷會比大家試下個味道架~

=======================================================
希望呢一篇對你地有用啦.
無論你地係唔係用緊G'aroma 既油都好, 只要你地對DIY有任何心得, 對香薰治療有興趣既, 都可以留言比我分享架~~
EMAIL 比我都得~~
 
姐妹們如果會出用後感文章既, 麻煩話比我知丫~
因為我想將你地既comment 放係我既首頁中呢.


你地既意見對我係好重要架, 有你地我先有進步呢~~
多謝大家


沒有留言:

張貼留言

LinkWithin

Related Posts Plugin for WordPress, Blogger...