身體保養計劃(2) - 改善排毒水腫, 增強血液循環

我唔知呀, 我唔知呀, 日日咁諗方法去改善身體會唔會甩頭髮架??
上星期完了”豬豬療程”後就唔知點好, 身體質素提升了小小又怎可能就咁比佢又下跌呢.

我依家每天早上都會來一杯薑茶令身體和暖, 我是一個10級寒涼的人,

練左廿幾年寒冰掌又點止”推甩兩件”咁簡單, 我D功力勁過丁子高.. XDXD

薑要用紅茶煲開再飲用先係最好, 日日飲用, 每朝都要新鮮煲.. 我真的沒那種耐性.

王生媽媽介紹了我飲過個韓國牌子的峰蜜薑茶, 她說這個不錯的.

有了營養標籤真方便, 佢零脂肪, 低糖. 每次加2-3匙到熱水中攪拌. 味道不會太甜,

辣味都OK, 界乎我的 '可以再辣一點'及王生的 '好辣' 之間. 大大一瓶只係$5X 多元, 大型百佳都有架.

另外我飲用過一款係台灣既黑糖薑茶晶, 1粒可以泡1-2杯. 未知香港有冇得買,

不過已經麻煩左Cindy 媽媽幫我入了2包薑茶及1包桂圓茶. 未來半年我都可以慢慢享用了~~

血氣唔好加上又有鼻敏感, 朋友都介紹我食蟲草丸, 去了mannings 了解過, 原來要keep住食蟲草丸一d都唔平.

所以我選擇左食舞茸, 舞茸包含了蟲草及靈芝擁有的維生素, 都是護肝之寶.

在進行"豬豬療程"前已經開始了2個星期, 當然膠囊裝的都不會咁快見效, 只是睡眠質素好像改善了一點.

家庭醫生說我可以繼續服舞茸配合維他命B集, 可以改善手腳冰凍, 加速循環~~ 食左幾日架啦, 好期待見效之日~~~
丸裝舞茸之外, Sales 姐姐還送了幾包粉裝的給我試服... 可是味道有點難入口....

持續的腸胃炎痾個不停, 就近找個醫生看看, 醫生給我止痛的藥, 服了就無痛之餘, 連便便都無!!!!! 火~~~~

後來我的家庭醫生說呢款止肚痛藥原理係禁止腸道攪動, d腸唔郁就自然就唔痛, 但亦都唔會有便便. 谷到呢...

好在屋企有正氣丸看門, 食幾粒即刻舒服好多... 所以呢.. 中藥發明真係偉大啦!!

以後我一有需要排毒健胃既, 我就會想起蒮香正氣丸呢. (記得要買北京同人堂既先係最好, 經驗之談)

仲有液體支裝TIM~

血氣循環唔好, 令雙腳冰凍, 再算運動再多, 都難免會有水腫情況.

加上我係Office 工作分子, 長期坐著, 日子耐左, 大家都知咩事啦..

去年看見好友大B 的分享後, 一直心思思想買 爽健 Scholl Medi Qtto纖腿襪. 但… 一拖再拖下, 就將事情忘得一清二楚. (呢D事在我身上發生一D都唔出奇, 一係我就要立刻買, 一拖就會自我打消要買的念頭…)

爽健 Scholl Medi Qtto纖腿襪的階段式壓力設計是指足踝所受壓力最大,接著是小 腿、膝上/大腿沿著肌肉向上加入較低的段階式壓力值的襪/襪褲。 這種設計的精萃在於能易於讓足部血液回流到心臟。換句話說,穿著 階段式壓力襪,可為足部肌肉活動能力下降時提供補足,促進血液及 淋巴流動, 從而加快吸收腿部積聚的水份,減輕腿部浮腫。 纖腿襪適合長時間 穿著。即使長時間穿著亦不會削弱腿部肌肉的活躍度，相反， 令腿部的活動效率進一步增強,令靜脈淋巴回流的情況更佳。



香薰治療課程中有修讀過有關靜脈同淋巴流向及分佈, 靜脈血及淋巴液一同都是向心臟方向游的.

但因為地心吸力, 心臟得以用更多力氣將血液泵回心臟 (所以運動小既人, 血液及淋巴液都會流得慢D架).

靜脈及淋巴管裡都會有瓣防止液體倒流, 但因為各總原因, 靜脈瓣有可能會失去功能, 令液體倒塞.

此情況最常出現於小腿位置(即靜脈曲張及淋巴液倒塞)..

治療師建議大家每晚睡前為按摩10分鐘, 改善血液循環, 但…… 治療師(我)本身都懶到出汁, 每日都按2-3分鐘就算.. ><

好在有纖腿襪這個發明, 每晚沐浴後我都會先塗上去水腫的按摩油, 按摩3分鐘..

其實5-10分鐘的人手按摩最理想. 可是我懶, 所以用按摩捧.. ><

再穿上纖腿襪, 開始階段式壓力纖腿.

Scholl 纖腿襪無一般壓力襪咁緊, 就算穿著睡都不會覺得唔舒服.

天氣冷既日子, 著住黎睡真的很保暖呀~

已經穿了一個星期, 這個星期運動量超多的, 加上’親戚’到訪.

平常會出現的肌肉緊張及水腫在這星期都沒有太嚴重. 隔天已經沒有運動後的肌肉不適, 雙腳都沒以往的腫~

穿著了一連10天加運動, 我的小腿由27.5cm, 減到25cm .已細了有2.5cm 啦!!  (還是很粗..)

相信只要我每晚都穿著纖腿襪, 美腿將離我不遠呀~~ (我今次會有恆心架啦)



好想買多一對日間穿, 買呢對好d呢???

謝謝收看^^

wengichow@gmail.comGi on Facebook
Gi on Y!blog
Gi on theZtyle
G'aroma on Facebook