星期二, 9月 01, 2015

Exploring in Watsons 平平地有好嘢!

近來皮膚好似用厭咗一向用開嘅護膚品,反正個品牌喺香港已經死咗(不過近排好似又番生),所以呢排時時左試右試。


Well, 人就係會變架啦,以前真係好唔鐘意韓國護膚品,覺得好油好笠,由其BB Cream 我最唔鐘意,好焗。不過唔知係個人老咗皮膚需要嘅多咗,定係護膚品都有改良呢?呢2年嚟我對韓國護膚品有所改觀,當然,喺舊公司M工作都係一大原因。



行開個人護理店,都會有種尋寶感覺,(其實去便利店都有),少去一排就會發現多咗好多新嘢,牌子多數都唔係熟悉嘅,但多數都係JP/KR 引入,呢個咪係trend 囉。早前去Watsons 尋寶,發現DCS,因為包裝好有Lab 感覺,所以吸引咗我留意,即刻搵搵佢嘅資料先!


DCS = Dermatology Cosmeceutical Solution 連個名都好Lab feel,品牌有兩個重點系列:DCS 保濕鎖水系列 及 DCS Brightderm 亮白淡斑系列,兩者都係以韓國濟州島東部的天然火山岩海水為重點成份,含有豐富嘅鈣用鎂,保持皮膚水分和彈性,防止皮膚老化、增強肌膚免疫力。


我已立志做防腐美人,因為近期實在太多人話我樣細..... (王生: 係你行為低能啫)水、彈、抗老... 我唔貪心,有呢d 就夠啦。
我發現原來有好多韓國來嘅護膚品都係以海水為重點成份,唔通呢個於係韓國人嘅護膚mimi?

Anyway,太多廢話... 試嘢!
DCS 保濕鎖水精華 (30ml) $279
【官方資料】含龍舌蘭仙人掌萃取物 - 水分儲存能力極高,含有豐富鐵、鈣、 鉀、鎂等礦物質,有效為皮膚補水及調節水油平衡。含透明質酸鈉,其水份含量達其重量的 6000 倍,為皮膚細胞注入源源水份,保持肌膚彈性,增強肌膚抵抗力。
DCS 亮白淡斑安瓶精華 (30ml) $279
【官方資料】美白淡斑成分 ILLUMISCIN,有效抑制黑色素形成,均勻膚色,抗氧化並撃退色斑,改善 色素沉澱。20%濟洲海水,極緻滋潤,具美白和抗皺雙重功效

開始用呢set 孖寶嘅時候,感覺好似兩支溝亂咗咁,直覺美白精華應該係乳白色,反而保濕精華先至係透明,特別特別!
兩支精華質感都幾相似,滋潤型,好快就滲入皮膚。究竟係精華滲透力強,定係我肌膚太渴呢?因為我用得都幾狠,每次一dump 先夠用呀。


用咁兩個星期,早上用保濕,晚上用美白。皮膚的確係水潤咗,脹泵泵,毛孔都收細咗d。至少最明顯嘅係面色好咁冇咁暗啞,精神咗咁呢!ps. 呢個效果最初都幾難講服我,眼前嘅事實,對於一個我唔認識嘅品牌,竟然可以達到呢個效果,有d料到呀!

DCS 保濕鎮水眼精華 (10ml) $279
【官方資料】含龍舌蘭仙人掌、海葡萄萃取物及透明質酸,有效撫平乾紋細紋,收緊眼袋、淡化眼圈,舒緩眼周肌膚疲倦暗啞問題。

DCS 亮白淡斑眼精華 (10ml) $279
【官方資料】金屬離子滾珠筆頭設計,促進眼周血液循環。含豐富水解膠原蛋白,有效抑制黑色素形成,消除浮腫及黑眼圈問題。

本身真係麻麻地滾珠設計嘅眼部產品,成日都會遇到走珠唔夠滾嘅情況。而呢兩支產品係超夠滾,碌眼嘅時候唔會卡住卡住。走珠又夠大,可以用黎按摩,好正!


至於質地,兩者都係透薄嘅凝膠/乳液類精華,用黎按摩一流,質地薄,唔會為肌膚帶黎壓力。按一下筆頂嘅按鈕,精華就會湧出黎。但按都要溫柔,太大力精華就會噴到周圍都係架啦。

至於功效方面,因為用嘅時間尚短,加上呢排日日忙個不停,所以未見成績呀。為咗我嘅目標,我會努力架,用埋以下建議全方位按摩法,早上補水晚上美白。一家好快就有成績嘅呢!



認住呢對眼圈,1個月後唔要再見到你呀!!




----------------------------------------------
Follow Me on Gi C Life
wengichow@gmail.com


-------------------------------------------

LinkWithin

Related Posts Plugin for WordPress, Blogger...