都唔知點解, 我已經一個星期最小2日運動(每次都個幾2個鐘), 1日焗桑那, 食得均衡又夠休息. 因乜原因次次黎到呢D日子我都.... 係冇錯, 我'又'病啦~~
今次好醒, 個朝唔舒服, 即刻飲勁多水(平時已經飲好多水架啦, 對皮膚好丫麻) 放左工重去睇醫生. 因為醫生都知我每次感冒都病好耐, 好醒既醫生都已經開左4日藥比我. 好啦休息左2日, 醫生D藥都食晒~~ 都係冇好~~ 次次都係咁~~ 
最後都係食返幸福傷風素(最好) 今次加埋化痰素.....唔好意思, 因為我真係唔知咳痰, 乜唔識咳痰好怪既咩?? 有冇人同我一樣唔識架?? 醫生話你要咳D痰出黎先好架.. 我真係唔識WOR. 可能有D嘔心, 但係大家不防分享下, 18歲以下人士請家長陪同... 想嘔個D可以去某個精選BLOG, 可以訓練下自己, 再返黎睇就唔會嘔, 身經百戰~~ 
做左大嘴鳥2日(帶左口罩), 食左5日藥, 我諗都開始好啦~~ 每次感冒埋尾時, D菌都鍾意入我個聲帶玩多幾日... 攪到我喪咳同變左沙聲GI~~ 超性感~~ 
病... 最痛苦唔係鼻窒/ 訓唔到, 最監介都唔係係人前申鼻涕, 而係傳左比你既家人同同事.... 比人指住個紅鼻子話 '都係你啦, 傳染我....' 我每次病都病好耐, 身邊既朋友, 祝你地 '身體健康'~~~ 
你隻新大嘴鳥 get well soon 啦～ 日日対住某精選BLOG主都夠我地嘔啦、 唔好睇佢blog naa（笑）
回覆刪除咳痰??好難明喎
回覆刪除你一定好有錢啦如果唔係點會又病呀
仲有呀咩叫呢D日子呀
[版主回覆11/06/2007 23:44:00]冇呀, 買藥都買都冇$$啦~~ 唉~~
番風日子呀~~ 點呢~~ 唔係會係咩呢??
原來罪魁禍首係妳
回覆刪除我會問妳攞反湯藥費架啦
[版主回覆11/06/2007 23:54:00]我有帶口罩, 又冇痴去你道, 唔好話係..... 身子虛~~ 得閒'調理'下啦~~ 虛... 就唔賴得人既~~ 係睇生活習慣同年齡層既~~ 我係冇kam被冷親, 咁你呢?
鬼爺, 我唔怕你啦, 因為我已經買左城城飛啦~~呵呵呵呵～～ 城城城城～～～
哈哈哈哈哈哈哈(ﾟ∀ﾟ∀ﾟ∀ﾟ∀ﾟ∀ﾟ∀ﾟ∀ﾟ∀ﾟ∀ﾟ∀ﾟ∀ﾟ∀ﾟ∀ﾟ) 今次溫馨小blog既最快留言者, 竟然係blog主形容為恐怖三剎既我地. 睇黎溫馨小blog想過和平既日子仲要花好多心機.(頂癮)
回覆刪除[版主回覆11/06/2007 23:52:00]和平日子都要有d其他野沖激下, 正負面~ 唔係點珍惜已有既平靜呢~~ 多謝你地得閒黎點綴下wor~~
我都係唔明咩叫轉轉女人．．．．
回覆刪除[版主回覆11/07/2007 10:09:00]唔係呢遍呀可兒, 上一遍呀~~ 睇上一遍 ' 左腦定右腦?? '
大嘴鳥呢個名好得 你保重身子呀....其他野唔多講la...在心中啦
回覆刪除[版主回覆11/07/2007 10:10:00]yeah~~ 在心中 我鍾意~~
你本身個人弱,所以做咁多運動都病囉~慘~其實我都覺得咳痰好嘔心有如鐵達尼入面Rose向住個海吐痰咁~不過我都唔識咳痰~不過當你咳嗽得好嚴重o個時已經唔駛識咳痰,係會嘔痰架嘞~D痰好似自己走出黎咁XD hope u get well soon~
回覆刪除[版主回覆11/11/2007 01:09:00]唉~ 邊有咁快好丫~~ 你知我一病就病成2個星期有多架啦~點會咁快好丫 ～～ 咪又係比ｄ痰煩住lor~ 同晚晚都係咁咳~~ 飲左好多水, 所以勁水腫~ 不過都清得7788架啦~~ 多謝關心~~
我都病.... 今日重要頭痛到爆都要頂住....... 唔通平時食得太多雪糕同雪條凍親... 哈哈...
回覆刪除你地話d 感冒傳左比人就會好返架啦......唔知係咪真架呢..
[版主回覆11/11/2007 01:11:00]你好d味?? 親weekend好好休息下啦~~
如果傳左比人就好返既... 我諗我身邊d人既身體呢排都好健康~ 點解我重病緊既??
回覆刪除好翻晒未呢 ?
為你祈禱
[版主回覆11/11/2007 01:12:00]好左好多啦~~清緊，希望星期五前好返晒啦，因為要好睇城城演唱會呀～～ 好期待～
祝妳早日康復!
回覆刪除