要防腐唔一定要食防腐劑, 香芹籽幫到你~ AESOP

以天然、 低調和高品質來形容Aesop這個來自澳洲的美容品牌就最好不過 。
這個在墨爾本創立的護膚品牌，於1987年創立，品牌原則是「 一直堅守給顧客最重要價值的是瓶子內的產品，我們絕對不要忘記。 」
Aesop相信，皮膚與植物組織相近， 因此以植物萃取的產品具有最佳的親膚性和效果，故此所有產品的主要成分乃取材於大自然的植物， 其特色之處在於愉悅的天然香味和產品的安全性， 盡可能不使用防腐劑，配合使用深色容器以減低產品受紫外線的傷害，同時減少使用不必要的包裝材料， 永遠把產品的品質放在第一位。

「產品本身是最要的，其它都是附加的。」

AESOP - 一個一直唔敢接觸既品牌, 原因....
1. 感覺太高貴, 太pro, 唔知行唔行入去好, 就算入左去, 都唔知由邊道開始睇.
2. 太貴, 一支面霜都要3百以上
3. 身邊冇人用黎, 又唔知好唔好, 更加冇見過佢賣廣告
4. ....... 佢地成日都冇客........

第一次接觸....
話說 facess send 左invitation 比我去試Aesop 皇牌護唇膏.
係打令既陪同下之至敢去睇下佢係咩料~
一向都以為佢地d BA 會好串, 錯晒!!!
佢地一D都唔串, 重好helpful tim. (明知我唔買野都好努力解答我既問題, gooooood)

今年生日, 我收到2盒Aesop 家既產品

2盒都係今期Aesop 既皇牌主打 -- 香芹籽系列
香芹籽(Pasley Seed) 蘊含豐富抗氧化成分, 具收斂作用, 能舒緩過敏及受壓肌膚.
每天為肌膚提供抗氧化保護, 使皮膚更為明亮.
有效降低自由基對肌膚造成的傷害

香芹籽抗氧化眼霜 10ml $600
主要成分: 左旋C磷酸納、維他命E(泛淳)、乳酸納
蘊含胡蘿蔔汁、綠茶、薰衣草、葡萄柚籽、洋甘菊及香芹籽萃取，
再加入乳酸鈉成分，含豐富維他命A、C及E，
有效提供最敏感的眼部肌膚深層及長時間的保濕、舒緩、滋潤、安撫及鎮靜功效，
更能調理眼周因疲憊而出現的暗沉膚色及缺水。適合所有肌膚使用。

佢比我既第一個感覺係.. wow, 好柔軟唷.
係我摸過咁多眼霜之中最柔軟既.
佢既粒子都係好細緻, 因為只係點左幾下就已經吸收晒.
ba姐姐話因為加入左左旋C磷酸納 有助減低使用後出粒粒既機會架~
你地睇下似唔似豆腐花~

果然係數一數二既香薰牌子, 連香薰治療師都讚佢既產品夠真實.
(市面上太多牌子話就話加入左xx精華, 其實佢地加左幾多我地一d都唔知.
專業既治療師 只要一聞就聞得出個味係真定係假架啦)
打開蓋就已經聞到香味擁出黎. 好舒服, 一個好relax 既感覺~

香芹籽抗氧化精華 100ml $435
主要成分: 香芹籽、葡萄籽、維他命E(泛淳)
富涵強效抗氧化成分的完美保濕精華，含有優質且抗氧化效果優異的葡萄籽與香芹籽，
並且加入 維他命 E及大量滋潤及鎮定安撫效果的蘆薈汁，有效減低肌膚受自由基的侵害.
適合乾性、混合性、敏感肌膚每天及經常性使用.

呢支精華最吸引我既地方正是佢含有既葡萄籽成份.
葡萄籽油對皮膚及人體既好處真係數之不盡.
曾經用過一支用葡萄籽油調出黎既卸妝油, 只用左短短5日, 就改善左我面上既暗粒問題.

佢既包裝亦係一讚, 長長既滴管一泵就係一次既分量 - 5滴.
非常淨潔衛生, 唔怕會取得太多~

佢地質地係好似油咁樣, 但吸收度超快. 上左面3-5秒左右就已經吸引晒~~
吸收完後面上有輕微既笠笠感, 不過唔係好嚴重, 再上面霜就冇問題啦.

2星期後之總結:
Aesop 既價錢睇上去雖然係既高, 不過佢勝左分量多, 用量少.
除返開就一d都唔貴啦,
我會繼續用呢個牌子, 至少我真係見到皮膚有改善呢~

用左2個星期, 係入秋季節我既皮膚一d都唔乾. 重係好舒服, 特別係眼尾位置.
而我眼肚同鼻亦位置都冇之前咁黃, 我相信香芹籽係我皮膚上工作緊啦.
我對佢既抗氧化功效抱好大期望呢,
希望到30歲既時候再睇返今日既相, 大家會問我係唔係食左防腐劑啦~~ 呵呵呵 (<-- 又藤之宮千歲上身)