PhotoReady!! Call me Jimmie~~ Revlon 高清無瑕粉底

http://www.theztyle.com/blog/space.php?uid=409&do=blog&id=33685

今次試用既呢個, 完全係因為被電視廣告吸引左去試.

PhotoReadyTM Collection 「高清無瑕粉底」SPF 20

零距離的誘惑　讓您擁有Airbrush化妝效果　向「見光死」Say No!

 

見光死, i hate it. 明明塊面一d都唔油, 但每次一開閃光影相就會反晒光. 冇晒輪廓, FLAT 晒..

明明已經瘦身成功, 做左Jimmie (同音:尖面). 但係閃光下我又變反包包gi啦....

即係人地口中既 'oh, 你真人比相中更瘦呀'

我唔要. 我要何時何地都做Jimmie呀~~ wahhhaa

<攝於2個月前... >

 

PhotoReady^TM Makeup「高清無瑕粉底液」 既誕生全因為配合高清電視登場而研究既, 所以佢既遮瑕效果非常高之餘亦非常透薄, 有如airbrush 既效果.
感覺就好似你睇電視既時候見到楊怡塊面時常都水潤潤, 零毛孔, 零瑕疵咁. (其實我都好喜歡楊怡架~~ hahaha)

 

話明係Photo Ready 粉底, 固名思意就係無論係任何光線環境下亦會為拍照做好準備~~

Photoready 粉底對光線非常敏感, 佢既分子可增強光學折射效果, 可以提升面部輪廓.

即係話由今日開始, 我唔再怕死光鏡下既我變包包面, 亦唔怕大毛孔油光面~~
唔知影出黎會唔會立體左呢?? 等我即刻試下先~~

 

質地柔軟, 好易就推開啦. 今次唔用sponge 唔用掃, 改用手指上, 試一試佢既遮瑕'真功夫'~~

我先上左半邊面比大家睇啦~ 只係用左無色底霜打底.

用左手指上粉底係會比較貼面, 感覺唔到粉底呀, 冇乜負擔感.

再用sponge 係斑斑位置按幾下, 加重遮瑕度.

冇用遮瑕膏下, 斑斑都遮到8成, 平日返工都夠用啦~~

睇上去又唔會好厚, 好自然呢..

今日冇出街, 要試佢易唔易溶我就唯有上左妝後去整cookies, 睇下我企係焗爐旁會唔會溶晒妝先~~ 

結果: 妝容依然好貼服, 冇溶妝既感覺呀. 面上既斑斑依然係有8-9成coverage. 

髮線位有出汗, 但用紙巾印後都冇變成粉紙呢. 

雖然係屋企做唔到出油測試, 不過so far 用左5個鐘都幾long lasting 丫..    

COOKIES 出爐啦!~

Overall, Revlon 呢個粉底真係幾唔錯呀, 價錢又唔貴. 日常用佢可以做到自然貼服既高清效果.

影相時我又變返Jimmie啦~
睇上去重要冇毛孔, 冇瑕疵, 呃得下人架~~

最緊要係佢save左個step, 依家連concealer 都唔洗用, 影完出黎既相一D都唔洗執lu~~

 

"從今天起，無論在任何燈光下，亦無懼零距離接觸， 讓您散發自信無瑕的完美光芒。"

包包面?? 不如食左佢好過啦~~

送比大家自戀妝相 n 張~~

多謝收看~~