星期二, 5月 19, 2015

[堅尼地城] 由窩夫豆豆 Waffling Beans 到華富的小瀑布

大鄉里出城,第一次黎堅尼地城隨即遊客上身,影返張相留念下!
復活節的5天假,沒有刻意計劃要點過,想去邊就去邊!王生突然話想去西環行下,緊係好啦,難得你有興至,即上網search 下KT 有乜好食先!






KT 真係開咗好多新餐廳,大部份都係我喜歡嘅FUSION/ Tea style, 隨意找到這間有窩夫 (王生眼中的非正餐類食)  又有Pasta 主食嘅餐廳,係被選為KT 5大必去resto,  咁緊係要試下啦!
Waffling Beans 主打菜係比利時Waffle,比利時Waffle 同其他 Waffle 有咩分別呢?唔知亦冇意慾知,最重要係好唔好食嘅姐!




是日推介一個清新青蘋果窩夫,秘制caramel 醬有d 花生醬味,聽落奇怪,但係就同青蘋果超夾,醬唔會太甜,連埋waffle 食一d 都唔heavy (諗起都流口水!)  至於Waffle,  真係好好食,同平常食嘅味道有好大分別,感覺似蛋糕仔,好有奶油香,唔太甜小小咸,凍食都唔硬,烘得剛剛好!




另一signature 美食就係炸雞,冇諗過係咁大份架。至於炸雞,都係usual 炸雞,冇乜特別,炸得有d 鞋。而炸雞下都有一塊Waffle,  又變成搶奪對象!
所以王生成日講嘅,間餐主打乜就食乜,食佢最專門做嘅就一定冇死!果然好有道理!



Last,  呢道嘅coffee 好有水準,點了杯flat white,  好creamy﹐好香濃,咖啡豆先咸後回甘,有令人搶住飲嘅感覺,一口氣搶左半杯都唔知。難怪咁多外國人來,一杯coffee 一件waffle﹐咁就一個下午啦,真寫意!




Waffling Beans
地址: 堅尼地城北街4-8號五福大廈9號鋪地下
電話:2855 8890


食完好味,我地就四圍走走,沿路行了上摩星嶺。



突然心想回華富邨走走,呢個王生長大嘅地方,可能好快就會變成回憶,趁有幾會,影多幾張相留念。







說好了的瀑布灣一遊,我終於黎到啦,原來仲有咁多人黎散步遊玩架。呢個地方唔知係重建後仲會唔會存在呢,唔知次後會變成點呢?

珍惜....

















----------------------------------------------
Follow Me on Gi C Life
wengichow@gmail.com
-----------------

LinkWithin

Related Posts Plugin for WordPress, Blogger...