第一站通常都係去國際通，行下街，買下野，食個飯先去check in。有見去年7爆被鎖車，今年就穩陣d，泊百貨公司好d。Ryubo係國際通頭，3分鐘就會到國際通，呢個百貨公司好新好有東京嗰d Mall 嘅感覺，前年黎我都係放低咗唔少円～
第一次泊呢d 升降停車場，泊好先知原來個位係咁窄，只係剛剛好放到四個碌，落車見到個刻嚇死咗，咁窄都泊到真係好靚仔！！不過我冇信心可以泊多次架啦...
妖怪手錶大熱，日本每一個地方都佈滿地縛喵。幸（恨）我半年前未睇妖錶，去東京Skytree大大個pop up 都冇去睇，前陣子睇返d相真係泵心口。今次有定心理準備，儲/唱定円，一於買過夠！
沖繩限定地縛喵玩菠蘿、煮苦瓜，好好笑呀！！
呢間嘢，係香港排到隊都未必食得到，一場行過又冇人，緊係入去潮聖下啦！
又來沖繩限定紅芋味，賣晒真可惜呀。最後買咗original流心返Hotel食... 頂，唔好食嘅，冇芝士味，個餅底引唔香... 都唔明點解咁多人爭買..... 我都係食返NewYork CheeseCake 重口味啦！
幾年前黎已經想買菠蘿仔，耐何當然我身邊冇d organic 朋友，呢年黎識多咗好多Organic 靚女，一於買返HK做手信，一齊種菠蘿！！細細粒菠蘿仔，好Cute，只係100円，手信之選！
菠蘿仔要放入紅土入面種，仲要有大太陽先種得成，睇黎都係種唔到居多，哈～當過下引都開心架唔啦
晚飯返到去Ryubo其中一間餐廳，好飲係叫"虹"，肚餓到頂點，點咗吉列豬扒煲同鰻魚飯，平均都只係8-9百円，仲要有1個鐘free parking，抵晒！
今次嘅Day1都係醒目又lucky好多啦，一個好開始呢！
----------------------------------------------
Follow Me on Gi C Life
wengichow@gmail.com
沒有留言:
張貼留言