咁快就嚟到11月，都差唔多諗下2016新目標。
2015年... 其實都唔多想回顧，記起的只有種種的不愉快。其實今年我的確得著咗好多，失去的亦談不上，但人係貪心嘅，總對現在不滿，總希望可以改變現在嘅自己，再向上多一點... #ChangeDestiny #WingsOfChange
粗粗草擬，2016年要努力項目都頗多，而共同點就係，每一樣都係一個改變，改掉我一點不良好的舊我，希望能更進步樂觀一點...
1. Design LOL
想創業想咗好多年，以前一直都係得個諗字，2015年我倆終於我起心 肝，創作設計品牌Design LOL，so far 開始咗1個月，雖然訂單仍然係0，但好評不缺。2016年最中目標就係要努力喺呢個上，唔可以再好似以往咁三分鐘熱度，無論成功與否，既然開始，就要努力到低！Nothing to lose 呀！
2. 珍惜疼我的
2015年，被自己傷害得太多...
執著、歪想、轉牛角尖... 太過於在意負面的事，反而傷害了愛我的人...
明年，我要改變一下這個思想... 別再介意人在背後說我些什麼，真正懂我的就會明白，珍惜一下眼前的一切，過到呢關，我就升呢了！
#被討厭的勇氣
3. 努力工作
來年，工作的新挑戰，全新未接觸過嘅範疇，career path 上的一大轉變，應該會好好玩的。有機會就會好好把握，全力以付，無論得失係點都好，起碼無悔！
4. 養貓咪
想了很久，婆婆媽媽咗10年...其實又唔係d咩嚴重改變，點解要比咁多借口自己唔去做？改變婆媽性格，就由明年養貓開始！
5. 半碼、再fit d!
努力打破自己記錄，放下無謂的思想，我定必可以跑得更遠..... 同更fit!!
6. 一個人的快樂
別再為任何o/事放棄自己的興趣，別無視自己曾想做的事，一個人都可以很快樂，一個人也可以成就很多。不是每件事情都要粘著其他人，習慣一下獨處，其實一個人也可以很快樂
比自己嘅目標往往都多到完成唔到，今年比較特別，目標自有一個，要長大，要成熟，做一個wise lady，得體嘅事業。其實我身邊都有好多榜樣比我學習，要升呢，要改善自己命運，應該唔係難事。
鼓勵、堅持、勇氣，呢d都唔係要人地比我，係要自己比自己先有用。講真，每次聽到SKII嘅新slogan，都好有感覺，改變自己命運，其實我地嘅做人處事嘅態度，就決定咗我地嘅命運，我唔會甘心活在負面世界當中，為自己而戰，我對我的2016非常有信心！！
共勉～
----------------------------------------------
Follow Me on Gi C Life
wengichow@gmail.com
沒有留言:
張貼留言