G for Gi: 髮型髮色改變命運?! Salon BOKU

星期三, 8月 17, 2016

髮型髮色改變命運?! Salon BOKU

對於我把 “銹“髮，我可是“照顧有加“…

除左近排開始用50惠精華育髮之外（本人的確覺得幾唔錯），平時都懶得打理一下，洗完頭吹乾一下就算… 染髮？好似好耐冇真真正正染過啦…

其實都係求其在家泡泡染髮，時間快d，但同時對頭皮都極之傷害，加上我又甚少去打理佢呢…

係架，我深明“懶女人“道理，我成日都嫌棄自己唔夠靚又唔夠fit，花好多時間去護膚keep fit 但又唔護髮，end up 出到黎只係一個皮膚比較好嘅阿婆…
本身喺香港就唔覺有問題，香港女生10個有8個都唔多打理自己d 頭髮／髮型…直至早2個月遊走在日本街頭，見到個個日本女仔嘅秀髮，compare with 我嘅銹髮，我的起心肝，返到黎香港，一定要攪攪佢～

攪攪佢第一站，先黎返個專業級染髮先啦，早幾年留短髮時間時常出入Salon BOKU，今日可算舊地重遊。
避免我又選擇困難症發作，一坐底我就同Daniel 講我想染一個返到工嘅highlight 頭，其他嘅我就交比佢啦。（ps. 額外我仲有要求小臉蛋的. XDXDXD）

染highlight 我都預咗要一段時間，唯有手機陪我渡過，Salon BOKU 好貼心會為客人準備叉電線，染3個鐘都唔怕手機冇電啦～
加上有2個靚仔陪我傾計，更加唔怕悶～

呢個做型太似“封神“ d 角色，忍唔住要chok 一下～

3.5小時嘅highlight染髮完成，顏色同我揀嘅棕啡色好接近，真實度十足，特別一提，就完剛染完髮都無難聞攻鼻味，頭髮亦無乾燥感，仲要光澤左添～

Daniel好好仲幫我SET 埋頭，其實我冇特別地方去，只係想睇下自己曲髮係咩樣，原來鬈咗個頭連塊面都尖埋… 晚上見到朋友，佢都話我唔同左，唔只係個曲髮，而係成個氣場都唔同左，我估係個髮色令到我成個面色都紅返D，精神D。最緊要王生都主動話靚（我相信佢日日對住一個咁求其嘅我都覺得悶架啦），難度髮型真係可以改變命運？