G for Gi: 冰火瘦腿去水腫～PPC冷暖纖腿王

星期日, 5月 21, 2017

冰火瘦腿去水腫～PPC冷暖纖腿王

冰火呢個TERM，你會聯想到D咩？

唔好諗衰野，我諗到好好味嘅Affogato，熱辣辣苦澀澀嘅咖啡配上冰凍甜蜜嘅雪糕，冰火共融下，互補不足，帶出優點再昇華～YUM，諗起都想食～

就係我呢個咁為食嘅性格，注定呢一世人都要加十倍努力去KEEP FIT！每日運動不可少，但對於我地呢D OL，每日過半嘅時間都係坐著嘅，就算運動再多，都BALANCE唔到，下半身長期癱瘓，水腫問題嚴重到一個點呀～

天生啤梨身型，下半身係強壯D架啦，加上下半身代謝慢易積水，唔識我嘅人，一睇我呢對象腿仲會以為我唔運動嘅添。不過我從來都冇放棄過，我一樣KEEP住針對下半身嘅運動同儀器TREATMENT同家中護理～早前用過亦介紹過嘅PPC神纖油燒脂依舊KEEP住用，近期加埋PPC冷暖纖腿王主力針對去水腫，效果比我想像中更要驚喜呢。

PPC燃脂精華油：http://wengichow.blogspot.hk/2016/11/v-ppc.html

所謂冷暖纖腿王，當然就係同用後嘅溫度感覺有關啦，PPC冷暖纖腿王係第一款同時擁有冷熱感覺嘅修形纖體霜。透過冷熱交替，同一時間放鬆及舒緩肌肉、收縮及擴張血管，加速血液循環及新陳代謝，達到排水、修形及減水燈皮組織效果。

睇一睇D成份同作用先，PPC冷暖纖腿王主要有四大醫學成份：

Remoduline™ 瑞莫杜林：能促進血液循環、疏通淋巴排毒，擊退腿部水份積聚而引起的浮腫現象，令腿部回復美麗線條。

Kalpariane™ 棕藻調理因子：緊緻肌膚，改善鬆弛現象，可以瞬間提拉、緊致肌膚及修護老化的痕迹。

Adiporeguline™：改善橙皮紋，令肌膚變得更柔滑，可刺激膠原蛋白及彈性蛋白的循環再生，令肌膚重現柔嫩，恢復彈性。

Caffeine 咖啡因：能有效排出多餘水份，加速循環代謝，幫助水腫消耗，有效令腿部肌膚回復彈性組織，重現柔順平滑的線條。

Phosphatidylcholine (PPC) 磷脂酰膽鹼：專為纖體而設的醫學成份，有助促進燃燒下半身的頑固囤積脂肪，完美曲線從此不再是夢想。

PPC冷暖纖腿王同樣都係來自韓國，由韓國藥廠一手包辦專研及製造。質地係水凝啫喱狀嘅，第一下塗上皮膚係清爽涼浸浸嘅，推開後就凝膠就化成水狀，容易被皮膚吸收。開頭係有小小卡皮膚，但過多年秒左右嘅按摩，待凝膠被完全吸收後，肌膚表面係清爽無比，更加會有好輕微嘅暖意。

建議使用方法有兩種：
1. 按壓療法：於局部位置按壓，有效刺激身體微循環，針對性排走體內多餘水分及減少局部脂肪
2. 按摩手法：塗上產品後，輕輕向上打圈按摩，待產品吸收後，於重點位置輕輕拍打，有助加速產品滲透

我早晚都會用PPC冷暖纖腿王，晚上用會比較落力D，得我分享一下小小心得啦，先會用PPC冷暖纖腿王按摩全腳，由腿腰、大腿、小腿、腳踝，塗勻及吸收後，我會再多加小小PPC燃脂精華油針對水腫及脂肪团積位置並加以按壓，如腰背、大腿內側、膝頭上方及後方、小腿上方及腳踝。按壓完，穿上瘦腿襪，再用按摩棒加強按摩水腫位置。