My Nail Art 愛上粉紅 essie 478 nude beach 148 long stem roses

幾個星期前恨心剪晒d指甲, 由得佢再生返d'健康'小小既出黎..

又好有耐心咁等佢長返小小, 修返個形我又可以畫甲啦..

今次用新野, 係上次訂opi 時一齊訂既essie 478 nude beach; 148 long stem roses, 其中一支畫甲油, 一d都唔閃既閃石 同 seche
top coat~

首先用essie 既洋紅色打底
(好似opi個支洋紅靚d)

 

再用essie 既肉色上上半部份, 乾後就用銀色畫甲油係中間畫一條線.
遮住肉色既邊.

上top
coat.. (我今次懶, 冇上)

再係閃石底部油小小topcoat, 痴上指甲, 完成~~

 

第一之用essie 既感覺好好, 我星期日晚擦, 照樣日日煮飯洗碗,
到星期四都只係甩左d邊同角仔..
都係essie+seche top coat 既威力啦~

essie, 我會再來的~~

至於閃石都可以keep到4-5日.. 好神呀~~

 

(如果sis 有興趣團甲油, 麻煩去ztyle個邊私留)
http://www.theztyle.com/blog/space.php?uid=409&do=blog&id=3939

我家的毛 + 動L洗髮液

未有貓,
唯有抱住隻毛影相~
近照一張..

 

前2日終於買左動L,
朋友同同事都話好, 我又想d頭髮長d (上次比個無良髮型師髮鬼晒我d頭髮@@)

用左幾日,
感覺都唔係好臭, 人蔘味咁啦~~ 不過個texture 就好... 硬?? 實?? 杰??
我同敗金研究過, 應該似係... 龜令膏max 枇杷膏既感覺...

要'初'多幾下先有小小泡.. 洗完之後好爽~~
希望佢真係可以令我d頭髮生快d啦...

My Nail Art 2

中醫呀中醫~

Can Chinese Medicine taste any better? Does it has to be taste like SHITTTTT?

家常便飯...蒸水蛋

我係一個不折不扣既宅女, 成日都唔出街, 淨你對住部腦上網,
玩RC..

WEEKEND係我至愛既日子, 我可以上網上足全日..

每次同朋友仔MSN 到5-6點, 我都會講一句 '我煮飯啦' 朋友仔就會回
'今晚食咩呀?'

想知我上個星期WKEND食左咩嗎??

 

登登~~
係得2個人食, 不過我地都有帶飯架~ 所以分量差唔多~ (雞扒將由打令一個獨佔)

 

識我既人都知我唔好食豬, 不過打令鐘意食. 冇計啦~~
(破左個'只整自己鐘意食既野')

我又唔會完全唔食, 食1-2啖啦..

不過你放心, 我又唔會比自己冇送食既~

蒸水蛋就係我既至愛~ 而打令又唔多鐘意食既, 冇人用我搶~
yeah

 

加d煮熱左既豉油, 留起小小比佢個飯盒, 多多去我個飯盒, 咁我就可以用晒係撈飯啦~~

好好味~
至愛~

 

另外,
玉子豆腐都係佢唔會同我搶既至愛, 所以屋企成日都有存貨架~

 

多謝支持~~

簡易快捷咖哩薯仔炆雞奕

好耐冇寫blog lu... 大家好嗎???

 

近排工作都幾忙, 加上又調team 調位..

雖然係新team 未有工作, 但係都去了解下新team既運作啦~

 

抽空寫一篇... 美食...

事源...
有日美人睇左個'情人節大餐' 同 '聖誕大餐' 後對我'另眼相看' (的確我係一個唔似會煮飯既人)

係佢鼓勵下, 我準備左以下一篇簡易快捷咖哩薯仔炆雞奕..

 

材料(4人用): 薯仔x2, 雞奕x1磅, 咖哩磚,
魚湯

雞奕先'葉'啦.. 薯仔切粒.

先放油落薯仔, 係咁易炒下.

先炒下佢,
咁一陣d薯仔咁冇咁易炆爛喇~

 

雞奕都要炒下, 靚d~

放埋d
薯仔, 一齊炒下...再落魚湯去炆, 不時加水..

用魚湯其實係一次fu look底下試出黎架, 之前我都係用雞湯架..
不過0個次買錯左魚湯..

(forgive me, 我成日都遊魂, 可以一連2次買錯洗頭水... 買左護髮素
=.=")

用魚湯
冇咁咸~ 個味鮮過用雞湯...冇咁躁..感覺上.... (打令問我係唔係轉左咖哩... 下,
咁都食得出??)

 

等佢滾一滾..等d薯仔半熟, 就可以落咖哩磚..

咖哩磚唔可以就咁丟入去, 如果唔係會溶得唔均.

先放上鏟,
用小小水慢慢等佢溶.. 溶晒就上蓋再炆一陣.. 唔想太杰/想要多d汁都可加小小水...

等d薯仔林晒, 爛爛溶溶地咁, 就食得啦~~

 

多謝支持~~

Blockbuster: 天使與魔鬼, 吸血新世紀, 未來戰士2018, 神鎗手

我認我懶~ 我一向都認架~
呢2個星期睇左咁多片子都冇同大家分享~
我亦唔呃POSE~ 一次過黎啦~~

一如以往, 只係個人感受~~

天使與魔鬼 Angels & Demons: 開頭真係有小小抗拒, 原因係大家都話"天"係達文西密碼既續集.
我冇睇達文西密碼, 我有小小抗拒"達"已故事取材, 始終我都係一個基督教家庭長大人..
睇完喇. 可以同大家講'天'同'達' 係2個唔同既故事.. 比較起, 佢係多D講現今人少數人對宗教既執著及愚昧.
易明, 緊湊, 好睇..

吸血新世紀 Twilight: 其實想問下大家.... 覺唔覺得個導演係黃家偉上腦???? 乜事呀, 對白小得黎又唔知佢想講乜.. 影住草地加個天成分鐘又點? 女主角喜怒疑惑都係用一個樣? 你唔講我以為男主角殺左你家人多過你暗戀佢LOR..... 不過.. 個男主角確實幾迷人~~

未來戰士2018 Terminator Salvation: 09重頭戲, 一個字--好~ 雖然我冇睇過Terminator, 不過都唔會唔明, 只係套戲整體唔夠爆(個人問題啦, 睇得戲多要求多左..)
誰說未來戰士2018沒有阿諾?? HAHAHA

翻生侏羅館2 Night at the Museum 2: 唔好咁啦大家, 講明係續集就緊係用返用一條橋啦.. 多左展品咪就係新鮮感lor~ 冇刻意放大ben stiller 都係新idea wor~ 點解咁多人都話對2有d失望? 今次唔係爛笑片wor, 有故事架wor, 非一般ben stiller 既爛笑作風, 有message 架~ 我自己好滿意.. (阿妹你唔好爆我係ben stiller fans, hard sell 呀~~ hahhaa).
問題: 點解唔比黑武士講野呢??
加一句'I AM YOUR FATHER' 都好好笑啦~~ 點解???

神鎗手: 半個鐘前睇完, 睇既原因係朋友大推好睇, 果然冇失望~~ 黃曉明真係型到震.. 不過套戲好短..係因為edc 既所以cut 得咁短?? 算啦.. 精短都好過佢拖長~~
除黃曉明外, 最suprise我既人... 就係我打令... 你洗唔洗支支鎗你都識呀.. 支支你都講得出型號, 作用同特性. 連用咩子彈你都知.... 你就就咁比個e/s色我都話唔到比你聽佢係咩牌子, 邊系啦.... 上左腦 @@

5月衝破30套. 睇黎我既計劃都進行得非常順利~~ hehe~

1月:

1. 星球大戰 : 複製戰紀 Star War: The Clone
War

2. 瑪利與我 Marley
& Me

3. 罪惡城 Sin City

4.
証人

5.
保持通話

6. 弊家伙搞大左 Knocked Up

 

2月:

6. 凸務卡啦蘇 You Don't Mess with the Zohan

7. 富貴黃金屋

8. 20世紀少年

3月:
9.   無痛失戀 Enternal Sunshine of a Spotless Mind
10. 公子多情
11. 保衛奇俠 Watchmen
12. 愛情收錯風 He's Just Not That Into You
13. 人工智能 A.I.
14. 胭脂扣

4月:
15. 非常爆…內幕 What Just Happened
16. 破天.荒 The Happening
17. 黑幫有個荷李活
18. 勇闖魔域山 Race To Witch Mountain
19. 魔法天書 INK HEART
20. 侏羅記公園 1
21. 神探伽俐略
22. 地球毀滅密碼 Knowing

5月:

23. 變種特攻: 狼人外傳 X-Men Origins: Wolverine

24. 魔幻輪盤 The Golden Compass

25. 南北媽打
26. 天使與魔鬼 Angels & Demons
27. 黃飛鴻之二男兒當自強
28. 吸血新世紀 Twilight
29. 翻生侏羅館2 Night at the Museum 2
30. 未來戰士2018 Terminator Salvation
31. 神鎗手