http://www.theztyle.com/blog/space.php?uid=409&do=blog&id=35939
終於都到我出文啦!無錯,阿Gi 都係今次Pretty Medical 除斑之旅既一份子。認識我既人一定會覺得好驚訝,因為我係情願面上有斑日日用粉底去遮都唔敢去做Lazer既人…阿Gi真係大細膽啦!
<有請大家熱烈歡迎斑斑Gi>
時常被Sis稱呼為美白達人,面上咁多曬斑又點能稱得上美白呢~ 光靠飲食同保養,都只能令我'白得快啲',要真正對付色斑就要靠Pretty Medical既專業治療師同C6激光打斑啦!
預約左8點,唔需要等好耐就可以開始啦!珍取時間影幾張相先!
我真係好鐘意呢道既Waiting Room ,好舒服,好Relax架!一邊食花生同車里茄,飲住暖笠笠既花茶… 減下壓!等自己唔好咁緊張!
最擔心既時刻終於來臨喇,治療師Pinky幫我洗完面講解完之後就要打斑啦! 我真係好緊張,手汗腳汗都出晒呀!
開始時有啲刺激,原因係我面毛比較多,燒焦Gi好臭。
Pinky知我好緊張,佢一邊摸下我塊面安慰我,一邊同我傾偈分散我既注意力。之後都冇乜大感覺啦,一下子就打完啦。
打完之後塊面會好興,火燒咁。Pinky 將冰凍既面膜敷上,好舒服呀!!!
剛打完斑既面仔係會有啲腫架,我帶住口罩回到家照一照鏡見到面上只有一啲紅色既斑點!
紅既程度冇我想像中咁誇張,第二天用蓋斑霜就可以完全遮蓋啦!同事都冇發現我做左Lazer 呀!
不過下巴同咀仔就有小小甩皮, ok 既. 返屋企敷2日保濕mask 就冇事lu~
Octard 遮暇霜(蓋斑霜) http://www.theztyle.com/blog/space.php?uid=409&do=blog&id=5058
重有呀,打完斑斑面毛會變白色架!可以慳返唔洗去脫面毛呢!哈哈哈哈(婆仔又再次出現!)
打完斑後必須要非常注意保濕護理,潔面後我會用保濕面膜敷面,首幾晚我用左Origin 既Drink up。勤力啲,我晚晚都有敷架!敷完塊面涼凉地,舒緩面上既刺激!
保養方面,我就用左對受傷皮膚有顯著功效既玫瑰果油!以前覺得佢好油好笠,可能做完Lazer塊面好乾,5滴分量一下子就吸收哂啦!只要加1滴玫瑰精油去10ml 既玫瑰果油就可以了!
另外,打完斑斑都有好多嘢要注意例如要多飲水啦,唔好用熱水洗面同埋要做足夠既防曬!
分享住咁多先!
下星期繼續同大家分享Gi仔打斑記!
沒有留言:
張貼留言