長睫毛的懶人族 - Talika Lipocils 睫毛活力滋養露

老人家成日話，睫毛長即係會人懶。
well, 自問我都係數一數二既懶骨頭，但睫毛又不見得好長。難度我對眼違返了天命? 哈哈哈。

唔理傳說係點既由來，總之要一對迷人靚眼就一定不能少了一對長睫毛啦!
再講，單眼皮既睫毛根全部都係向內反既，真正外露既睫毛真係少得可憐呀!

種毛？keep 得唔耐，又會甩到一忽忽... 要種得靚就一定唔平！唔要！

貼假睫毛？都不得日日貼呀，眼皮會鬆架！更加唔要！

咁唯有用睫毛專用精華啦!
試過好多款不同既睫毛修護/增長精華，當中有部份都真係work 架，但係都停左冇用啦，因為好多都係那眼，眼紅紅，好唔舒服。

停左用一排.... 呢排我試左新野~

Talika 採用天然植物精華，再配合活性磷脂囊，能有效地修護眉毛、睫毛和眼部皮膚，從根部起產生修護作用。
Lipocils 睫毛活力滋養露，只需每天使用兩次，能確保在28天內眼睫毛自然增長及健康生長，不易折斷，簡單而有效地令睫毛生長得更濃蜜。
特別適合睫毛短小、稀疏、幼弱及容易折斷人仕使用。

用左只有20日，仲要.... 唔係每個早晚都記得用，所以真正增長既效果未見到啦!

但係睫毛的確健康左既，卸睫毛時都冇似以往咁掉咁多睫毛。亦開始生返好多睫毛bb 啦!
最明顯係下眼睫毛, 就咁睇唔覺生多左毛毛架, 但係一塗睫毛就好明顯啦~ ^^ 睇睇~(塗得唔好, 請不要介意~~)

以呢個進度推斷，28日只會令睫毛強韌健康返，冇咁易脫落，亦會刺激到毛囊生返多啲毛仔。但係就未必夠時間比佢有明顯既增長效果啦!

呢支修護液入面都有唔少精華，我估可以用到2-3個月架。等我繼續用，用完一支後就再同大家分享下個變化啦!
唔好嘥!! 塗埋堂眉先~~

謝謝收看

Gi @ Y!blog
Gi @ SHE.com
Gi @ theZtyle
Gi @ BeautyLife
Gi @ Qooza