每一次去SKII 活動，都好似上美容班咁，每次都會分享專家團隊最新發表嘅皮膚研究報告。今日嘅課題就係靈魂之窗－「眼」！
眼睛衰老問題，不在乎都係圍繞色素、眼紋、緊緻問題。原來眼睛嘅大小都同年紀有關係架。
SK-II 2016 最新秋田 (Akita)研究指出：
「眼睛會由 20 歲開始隨著年齡增長而逐漸變小，並於 15 年的時間內縮小 20%，主要是因為眼周缺乏縱橫結合的立體緊緻。眼周肌膚是全臉最脆弱薄嫩的部位，如此脆弱的肌膚卻是五官中動作最快速、最活躍 的。女性每天不但會眨眼達 1 萬次以上，而且次數是男性的 2 倍，說話時眨眼次數更會增加。整天眨眼及各種臉部表情和動作都會牽扯到眼周肌膚，長期下來會減低眼部縱橫緊緻度，影響雙眼光采。」
本身單眼皮嘅我，因為貪靚所以日日都會化妝點睛，有時仲會痴雙眼皮膠紙，等對眼大d 精靈d，所以我都會好著重眼睛嘅護理。點知原來眼睛嘅衰老表徵唔單只有眼紋同眼圈，人越大眼睛就會變細，唔係卦… come on，可憐下我本身已經唔係大眼睛架啦，仲要再細d，我唔要呀！
市面上咁多款眼霜，款款都話可以改善衰老問題，就 “眼細“呢個課題上，究竟邊一款效果較為突出呢？今日活動就黎個小小壓力測試。
先將來自不同品牌嘅眼霜塗於試紙上面，將試紙前摺並放置一後短時間好好吸收眼霜精華。過左一陣就比兩張試紙自由彈開，上圖就見得到左邊塗左SK-II R.N.A.立體緊緻修護眼霜嘅試紙明顯比右邊試紙將得更開，彈力及修復程度都表現得好出色～
同場加演多個名貴眼霜大測試，咁啱有我用開嘅眼霜，touch wood效果都唔叫係最差！
我份人咁貪心，一個 “唔算最差“又點可以滿足到我丫，一係唔用，一用就要最好嘅。所以我都target 左要親身試一試 SK-II R.N.A.立體緊緻修護眼霜。試前做返個閃亮大眼測試，利用數據分析得知現時嘅肌膚狀況，總比就咁用肉眼睇來得更有說服力啦。
測試分析從縱向及橫向檢視眼部緊緻度，找出眼睛縮小嘅潛在風險，預測未來眼部肌膚狀況及眼睛於 15 年後嘅大小 。紅線代表縱向緊緻指數、藍線代表橫向，兩線之間範圍越大代表眼部緊緻度越高。慘啦，睇黎我對眼都真係幾有protential 縮小呀，係時候要認真攪攪佢先得啦。
現時得出嘅數字都幾令我滿意，希望 SK-II R.N.A.立體緊緻修護眼霜 可以令個％增加啦，而skin age 就最好同真實年齡差得越遠越好啦～
之後個15年，是大眼定曚豬眼呢？
都係唔好講咁遠啦，試左15日先講啦。
-------------------------------------------
沒有留言:
張貼留言