G for Gi: 來自瑞典斯德哥爾摩的音樂品味 Sudio

星期三, 8月 10, 2016

來自瑞典斯德哥爾摩的音樂品味 Sudio

從小，音樂都係我生活中嘅一部分，任何時刻我都好大可能帶著耳機，聽聽歌，聽聽音樂，淨化心靈，此刻，仿佛就好似係我嘅私人小空間，沒有嘈雜聲音，不被打擾。
所以，我對耳機的確係有特別個人喜好。太貴的「是誰～～」我當然未去到呢個level，但只要係普通平民用嘅我都會去了解一下，但平民耳機當中，音質都係其次，夠實用先係皇道～

個人習慣，我比較鐘意用藍牙無線嘅耳機比較多，一黎唔會有條線綑住，你知啦，返放工時間地鐵又迫又多人，好易比人勾到架。而我用過咁多款藍牙嘅耳機當中都搵到同一個缺點，就係耳塞位太大（要留位插USB 叉電），觀感上唔夠美觀啦，同埋因為重所以容易甩。待電用量都係一個話題，我用過的，有用上3－4小時先死，亦都有D 1個鐘車程已經BYEBYE。

今次再試埋瑞典品牌Sudio，近期LOGON 推得好行呀。北歐設計一向以簡約與實用於一身，來自斯德哥爾摩的Sudio稟承簡約設計傳統，為品牌設計出不同系列耳機，包括 Klang、Vasa 和 Vasa Blå 三個入耳式耳塞和扁線設計系列，及Klang 和 Vasa 有線式免提耳機。

而我今日要介紹嘅就係非常巴閉嘅VASA BLÅ藍牙耳機

包裝內包括VASA BLÅ耳機（及四個不同SIZE 的耳塞）、保修卡、多國語用戶手冊、真皮耳機包、金屬固定夾

點解我會話VASA BLÅ係非常巴閉呢，因為VASA BLÅ曾係多個國際級電子展中贏得「音質超越傳統掛線耳機」、「輕巧及簡約設計與別不同」等極佳口碑，不論係design 上，quality 上同user experience 上都取得好好嘅回響。

外形美觀大家一睇就知啦，我揀嘅係黑色配上玫瑰金嘅耳塞，配上我一頭啡紅髮，大方得體。比起一般藍牙耳機大粒又笨重嘅設計，呢個真係冇得輸～

飛走左笨重又大粒嘅耳塞，除左外觀上更吸引之外，輕巧嘅耳塞設計更加令配帶更stable，入耳式耳塞緊貼耳殼，不易滑落同時亦加強靜音功能，我最鐘意一個人係cafe 睇書做野，都不怕被外界打擾～

尢其係我一類熱愛做運動嘅人，用藍牙耳機是常識吧！
帶住VASA BLÅ運動／跑步都唔輕易滑落，汗水亦不是問題了～

身為藍牙耳機，VASA BLÅ之所以可以做得咁輕巧，全因設計上省略無必要嘅機身部份。VASA BLÅ嘅叉電位設係耳機線上，與一般耳機將叉電位設係耳塞上更能減輕耳塞嘅重量，大大提升耳塞嘅緊貼度。叉電位與通話遙控成平衡，改善了側重情況，真係好聰明嘅設計呀。

至於用電量，恕我無法計算，因為我成日都唔記得閂機。不過係呢個壞習慣下，我都同左幾日嘅上落班車程先要叉電，估計代用儲電都幾足架，加上佢有10分鐘快速充電功能，要佢返生我等得到！

通話遙控亦都有指引，一睇就識用～
令一要讚嘅，係佢嘅bluetooth sync 得好快，綁得好準。換左用佢後就解決左我綁唔到耳機嘅煩惱！（成日都有個傻婆企係條街到sync 耳機，一攪就攪成幾分鐘都起唔到跑！！）